Կարապետ Մեծատուրյան

Կարապետ Միհրանի Մեծատուրյան (դեկտեմբերի 9, 1909(1909-12-09), Սուխում, Սուխումի օկրուգ, Ռուսական կայսրություն - օգոստոսի 31, 1966(1966-08-31), Երևան, Հայկական ԽՍՀ, ԽՍՀՄ), հայ քանդակագործ, ՀԽՍՀ արվեստի վաստակավոր գործիչ (1960 թ.)։

Կարապետ Մեծատուրյան
Ծնվել է	դեկտեմբերի 9, 1909(1909-12-09)
Ծննդավայր	Սուխում, Սուխումի օկրուգ, Ռուսական կայսրություն
Մահացել է	օգոստոսի 31, 1966(1966-08-31) (56 տարեկան)
Վախճանի վայրը	Երևան, Հայկական ԽՍՀ, ԽՍՀՄ
Ազգություն	հայ
Կրթություն	«Գեղարդ» գեղարվեստաարդյունաբերական տեխնիկում (1934) և Թբիլիսիի գեղարվեստի ակադեմիա (1941)
Ստեղծագործություն(ներ)	Փակ շուկա
Մասնագիտություն	քանդակագործ
Պարգևներ և մրցանակներ	Հայաստանի արվեստի վաստակավոր գործիչ

Կենսագրություն

1934 թվականին ավարտել է Երևանի գեղարվեստաարդյունաբերական տեխնիկումը, 1941 թվականին՝ Թբիլիսիի գեղարվեստի ակադեմիան։ Նույն թվականին մեկնում է ռազմաճակատ և մասնակցում Հայրենական մեծ պատերազմին։ 1947-1966 թվականներին դասավանդել է Երևանի գեղարվեստի ինստիտուտում։

Մասնակցել է համամիութենական և հանրապետական բազմաթիվ ցուցահանդեսների։ Եղել է Հայաստանի նկարիչների միության քանդակագործական բաժանմունքի նախագահ, գեղարվեստական ֆոնդի հայկական բաժանմունքի նախագահ և նկարիչների միության կուսկազմակերպության քարտուղար։

Պարգևատրվել է ՍՍՀՄ շքանշաններով ու մեդալներով։

Ստեղծագործություններ

Ստեղծագործել է հաստոցային, մոնումենտալ և դեկորատիվ քանդակագործության բնագավառներում։

• «Պարող աղջիկներ» շատրվան, բրոնզ, Ջերմուկ
• Երևանի կենտրոնական շուկայի (Մաշտոցի պողոտա) գլխավոր մուտքի զարդաքանդակներ 1952 թ., բրոնզ

Դիմաքանդակներ՝

• Արա Բեքարյան (1952 թ., ֆելզիտ, ՀԱՊ)
• Սեդրակ Առաքելյան (1954 թ., բրոնզ, ՀԱՊ)
• Մեդեա Աբրահամյան (1960 թ., գիպս)
• Խաչատուր Եսայան (1963 թ., մարմար, ՀԱՊ)

Պատկերասրահ

• 

  «Պարող աղջիկներ» շատրվանը Ջերմուկում

• 

  Երևանի կենտրոնական շուկայի (Մաշտոցի պողոտա) գլխավոր մուտքի զարդաքանդակներ