Էվան Ջոգիա
Էվան Թյուդոր Ջոգիա (անգլ.՝ Avan Tudor Jogia, փետրվարի 9, 1992[1], Վանկուվեր, Մետրո Վանկուվեր, Բրիտանական Կոլումբիա, Կանադա), կինոյի և հեռուստատեսության կանադացի դերասան, որն առավել հայտնի է «Վիքտարիուս» հեռուստասերիալում խաղացած Բեք Օլիվիերի և «Սոցիոպատ» հեռուստասերիալում խաղացած Դենի Դեսայայի դերերով։
 | |
|---|---|
 | |
| Ծնվել է | փետրվարի 9, 1992[1] (32 տարեկան) |
| Ծննդավայր | Վանկուվեր, Մետրո Վանկուվեր, Բրիտանական Կոլումբիա, Կանադա |
| Կրթություն | King George Secondary School? և Killarney Secondary School? |
| Քաղաքացիություն | .svg){kind=small} Կանադա |
| Մասնագիտություն | դերասան, կինոդերասան, կինոռեժիսոր, հեռուստատեսային դերասան, երգիչ, ռեժիսոր, պարող և հեղինակ |
| Ժանրեր | փոփ |
| Ամուսին(ներ) | Զոյի Դոյչ |
| Համատեղ ապրող(ներ) | Cleopatra Coleman? և Հոլզի |
| avanjogia.com | |
Վաղ տարիներ
խմբագրելԷվանը ծնվել է 1992 թվականի փետրվարի 9-ին Կանադայի Վանկուվեր քաղաքում։ Նրա հայրը Հարավային Ասիայից եկած գաղթական է, իսկ մայրն ունի իռլանդական, ֆրանսիական և ուելսական խառը ծագում[2]։ Բացի Էվանից, ընտանիքում կա ևս երկու երեխա՝ ավագ որդի Քեթանը (երաժշտական պրոդյուսեր)[3][4][5] և հայրական կողմից հարազատ կրտսեր քույր Մելիսան, որն ապրում է մոր հետ։ 16 տարեկանում Էվանը հաճախել է Killarney Secondary School դպրոցը, բայց լքել է այն 10-րդ դասարանից հետո դերասանական կարիերան լրիվ դրույքով շարունակելու համար։ 17 տարեկանում տեղափոխվել է Լոս Անջելես։
Կարիերա
խմբագրելԷվանը սկսել է իր դերասանական կարիերան 2007 թվականին՝ «Այնպես, ինչպես ես» ֆիլմում, որը «Լավագույն հեռուստաֆիլմ» կատեգորիայում արժանացել է «GLAAD Media Awards» կինոմրցանակին, գլխավոր դերերից մեկը խաղալով։ 2007 թվականին էպիզոդիկ դեր է խաղացել «Սատանայի օրագիրը» կանադական սարսափ ֆիլմում, և «Օտարներն Ամերիկայում» սիթքոմի որոշ էպիզոդներում։ «Կապրիկա» և «Վիքտարիուս» հեռուստասերիալների էկրան բարձրանալուց հետո ձեռք է բերել լայն ճանաչում։ Բացի դրանից «Finding Hope Now» ֆիլմում նա խաղացել է գլխավոր դեր։ «Սոցիոպատ» հեռուստասերիալում խաղացել է գլխավոր դեր։ «Այստեղ» հեռուստասերիալում Էվանը Բեն Քինգսլիի հետ խաղացել է գլխավոր դեր։
Անձնական կյանք
խմբագրել2011-2016 թվականներին հարաբերությունների մեջ էր դերասանուհի Զոյի Դոյչի հետ[6][7][8][9]։
2011 թվականին Էվանը միացել է «Straight But Not Narrow» ընկերությանը, որը պայքարում է հոմոֆոբիայի և հետերոսեքսուալ դեռահասների շրջանում սեռական փոքրամասնությունների հանդեպ բարձրացված հանդուրժողականության դեմ[10][11]։
Ֆիլմագրություն
խմբագրել| Տարի | Անվանում | Բնօրինակ անվանում | Դեր |
|---|---|---|---|
| 2006 | Այնպես, ինչպես ես | A Girl Like Me: The Gwen Araujo Story | Դենի Արաուխո |
| 2007 | Սատանայի օրագիրը | Devil's Diary | երիտասարդ տղա #1 |
| 2007 | Օտարներն Ամերիկայում | Aliens in America | Սեմ |
| 2008 | Ֆիզկուլտուրայի ուսուցիչը | Gym Teacher: The Movie | Չամփ |
| 2009–2010 | Կապրիկա | Caprica | Բեն Սթարք |
| 2010–2013 | Վիքտարիուս | Victorious | Բեք Օլիվեր |
| 2010 | Համարձակ խաղեր | Triple Dog | Լեմուր |
| 2011 | Հույս գտնելով | Finding Hope Now | Սանտոս Դելգատո |
| 2013 | Սոցիոպատ | Twisted | Դենի Դեսաի |
| 2015 | Թութ | Tut | Թութանհամոն |
| 2015 | Ես Մայքլն եմ | I am Michael | Նիկո Գլեդսթոուն |
| 2015 | Այստեղ հիմա | Here Now | Մթություն |
| 2018 | Ուրվական մարտիկներ | Ghost Wars | Ռոման Մերսեր |
| 2018 | Թղթե տարի | Paper Year | Դեն Նայտինգեյլ |
Ծանոթագրություններ
խմբագրել- ↑ 1,0 1,1 Discogs — 2000.
- ↑ RYAN PORTER (2015 թ․ հուլիսի 6). «The Vancouver actor who would be king | Toronto Star». The Toronto Star. Վերցված է 2016 թ․ սեպտեմբերի 26-ին.
- ↑ Noelle (2013 թ․ դեկտեմբերի 12). «Avan Jogia Talks 'Twisted' at ABC Family's Winter Wonderland – Video». Pop City Life. Վերցված է 2016 թ․ սեպտեմբերի 26-ին.
- ↑ Lytal, Cristy (2010 թ․ հունվարի 24). «Re-imagining Vancouver for 'Caprica'». Los Angeles Times (ամերիկյան անգլերեն). 0458-3035. Վերցված է 2016 թ․ սեպտեմբերի 26-ին.
- ↑ KRISTINE HOPE KOWALSKI (2015 թ․ դեկտեմբերի 30). «Avan Jogia Has a Twinning Moment With His Brother» (անգլերեն). Արխիվացված է օրիգինալից 2016 թ․ օգոստոսի 3-ին. Վերցված է 2016 թ․ սեպտեմբերի 26-ին.
- ↑ Avan Jogia (17 сент. 2014 г.). «Happy anniversary. To a woman I call home». Twitter. Վերցված է 2016 թ․ սեպտեմբերի 26-ին.
- ↑ Lucia Ennis (2015 թ․ հուլիսի 17). «Twisted's Avan Jogia and Vampire Academy's Zoey Deutch have been smooching at LAX Airport». Sugarscape. Վերցված է 2016 թ․ սեպտեմբերի 26-ին.
- ↑ BRUNA NESSIF (2017 թ․ հունվարի 14). «Zoey Deutch & Boyfriend Avan Jogia Breakup». E! (ամերիկյան անգլերեն). Վերցված է 2017 թ․ մայիսի 14-ին.
- ↑ HEIDI PARKER (2017 թ․ հունվարի 14). «Zoey Deutch splits from boyfriend Avan Jogia». Daily Mail. Վերցված է 2017 թ․ մայիսի 14-ին.
- ↑ «Straight But Not Narrow». Արխիվացված է օրիգինալից 2011 թ․ հունիսի 29-ին. Վերցված է 2011 թ․ հունիսի 4-ին.
- ↑ «Join Celebuzz & Straight But Not Narrow's Twitterview with Avan Jogia!». Արխիվացված է օրիգինալից 2011 թ․ ապրիլի 26-ին. Վերցված է 2011 թ․ հունիսի 4-ին.
Արտաքին հղումներ
խմբագրել- Էվան Ջոգիայի հարցազրույցը(անգլ.)