Էմմա Խուդաբաշյան
Էմմա Խուդաբաշյան (մարտի 3, 1947, Սևանի շրջան, Հայկական ԽՍՀ, ԽՍՀՄ[1]), ՀՀ ԱԺ 2-րդ գումարման պատգամավոր[2]։ ԱԺ սոցիալական, առողջապահության և բնության պահպանության հարցերի մշտական հանձնաժողովի անդամ։ «Միասնություն» խմբակցության անդամ։ ՀԺԿ վարչության քաղաքական խորհրդի անդամ[3]։
| Էմմա Խուդաբաշյան | |
|---|---|
| Ծնվել է | մարտի 3, 1947 (77 տարեկան) |
| Ծննդավայր | Սևանի շրջան, Հայկական ԽՍՀ, ԽՍՀՄ |
| Քաղաքացիություն |  Հայաստան |
| Կրթություն | Արմավիրի պետական մանակավարժական համալսարան |
| Մասնագիտություն | քաղաքական գործիչ |
| Զբաղեցրած պաշտոններ | Հայաստանի Ազգային ժողովի պատգամավոր |
Կենսագրություն խմբագրել
Էմմա Խուդաբաշյանը ծնվել է 1947 թվականի մարտի 3-ին Սևանի շրջանի Ծովագյուղ գյուղում։ 1973 թվականին ավարտել է Արմավիրի (ՌԴ) պետական մանկավարժական ինստիտուտը։ Մասնագիտությամբ մանկավարժ-հոգեբան է։ 1973-1977 թվականներից աշխատել է Երևանի էլեկտրաապարատների գործարանում որպես փականագործ-հավաքող։ Ավելի ուշ, 1979-1994 թվականներին Էմման աշխատանքի է անցել Երևանի միկրոէլեկտրոնային ինստիտուտում որպես առաքող, տեխնիկ, իսկ 1994-1999 թվականներին աշխատել է որպես «Սևան» զբոսաշրջային միավորման ավագ մեթոդիստ[3]։
1999 թվականին Կարեն Դեմիրճյանի ղեկավարած «Միասնություն» դաշինքի ցուցակով Էմման ընտրվել է ՀՀ ԱԺ պատգամավոր[4] և զբաղեցրել պաշտոնը մինչև 2003 թվական։ Հանդիսացել է ԱԺ սոցիալական, առողջապահության և բնության պահպանության հարցերի մշտական հանձնաժողովի անդամ։ «Միասնություն» խմբակցության անդամ։ ՀԺԿ վարչության քաղաքական խորհրդի անդամ[3]։ Էմմա Խուդաբաշյանն ականատես է եղել 1999 թվականի հոկտեմբերի 27-ին Հայաստանի Հանրապետության Ազգային ժողովի վրա կատարված հարձակմանը[4]։
Անձնական կյանք խմբագրել
Ամուսնացած է, ունի երկու երեխա[3]։