Զորավանք եկեղեցի
- Անվան այլ կիրառումների համար տե՛ս Զորավանք (այլ կիրառումներ) և Սուրբ Գևորգ եկեղեցի (այլ կիրառումներ):
Զորավանք (նաև՝ Սուրբ Գևորգ), հայկական առաքելական եկեղեցի Հայաստանի Հանրապետության Լոռու մարզի Հաղպատ գյուղում[1][2][3]։
Զորավանք (Սուրբ Գևորգ) | |
---|---|
Եկեղեցու փոքրիկ գավիթը | |
Հիմնական տվյալներ | |
Տեսակ | Եկեղեցի |
Երկիր | Հայաստան |
Տեղագրություն | |
Դավանանք | Հայկական առաքելականություն |
Հոգևոր կարգավիճակ | Չգործող |
Հիմնական ամսաթվերը | 1279 |
Ներկա վիճակ | Կիսավեր |
Կազմված է | Գերեզմանոց |
Ժառանգության կարգավիճակ | Հանրապետական նշանակության հուշարձան Հայաստանում |
Հիմնադրված | 1279 թվական |
Շինանյութ | Անդեզիտե կոպտատաշ խոշոր քարեր |
Zoravank Վիքիպահեստում |
Ընդգրկված է Հայաստանի Հանրապետության պատմության և մշակույթի անշարժ հուշարձանների ցանկում որպես հանրապետական նշանակության հուշարձան[3]։
Պատմություն խմբագրել
Համաձայն եկեղեցու բարավորի արձանագրության` կառուցվել է 1279 թվականին[1][2][3]։
Ճարտարապետական նկարագիր խմբագրել
Եկեղեցին կազմված էր փոքր աղոթասրահից։ Արևմտյան կողմից կցված է եղել գավիթ-սրահը, որը կառուցվել է եկեղեցու հետ միաժամանակ։ Պատերն շարված են անդեզիտե կոպտատաշ խոշոր քարերով և ունեն 1,2 մ հաստություն։ Ներսից սվաղված են կրաշաղախով։ Ունեցել է փոքր պայտաձև թաղ, որի մեծ մասը ներկայում փլված է[1][2]։
Պահպանվել են եկեղեցու պատերը, գավիթ-սրահը։ Եկեղեցու հարավային կողմում են գտնվում երկու գեղաքանդակ խաչքար և մի քանի տապանաքար[1][2]։
Տեղադրություն խմբագրել
Զորավանք եկեղեցին գտնվում է Հաղպատ գյուղի հարավային մասում։ Խորհրդային Միության տարիներին գյուղի կառուցապատման հետևանքով այն հայտնվել է տնամերձ հողամասերի արանքում[1][2][3]։
Պատկերասրահ խմբագրել
-
Եկեղեցի ներսը
-
Բարավորն ու հայատառ արձանագրությունը
-
Եկեղեցու կողքին կանգնեցված խաչքարեր
-
Եկեղեցու ճակատային տեսքը և հարակից փոքր գերեզմանոցը
Տես նաև խմբագրել
Ծանոթագրություններ խմբագրել
- ↑ 1,0 1,1 1,2 1,3 1,4 Զորավանք եկեղեցու մասին տեղեկություններ «Պատմամշակութային արգելոց-թանգարանների և պատմական միջավայրի պահպանության ծառայություն» պետական ոչ առեվտրային կազմակերպության hushardzan.am կայքում], (արխիվացված 01․01․2023թ․)։
- ↑ 2,0 2,1 2,2 2,3 2,4 Շախկյան Գ., «Լոռի Պատմության քարակերտ էջերը», Երևան, 1986
- ↑ 3,0 3,1 3,2 3,3 Հայաստանի Հանրապետության կառավարության որոշում 29 հունվարի 2004 թվականի N 49-Ն ընդունված 29.01.2004 թվականին, ստորագրված 04.02.2004 թվականին, (թվային տարբերակը arlis.am կայքում)։
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Զորավանք եկեղեցի կատեգորիայում։ |