Երիշատ

Երիշատ, գյուղ Մեծ Հայքի Վասպուրական աշխարհի Աղիովիտ գավառում, իսկ ապա գյուղ Արևմտյան Հայաստանում, Վանի վիլայեթի Արճեշի գավառակում։ Գտնվում էր Արճեշ քաղաքից 8-10 կմ հյուսիս, Զելանդերե (Զելան, հնում Աղի) գետի ափին։

Գյուղ
Երիշատ
Վարչական տարածք	Արևմտյան Հայաստան
Վիլայեթ	Վանի վիլայեթՎանի վիլայեթ
Գավառակ	Արճեշի գավառակ
Այլ անվանումներ	Արաշատ, Գերիշատ, Երշատ, Էրիշատ, Իրիշադ, Իրիշատ, Հերիշատ
Ազգային կազմ	քրդեր
Ժամային գոտի	UTC+3

Պատմություն

Երիշատի մոտ գտնվող ձորում Լենկթեմուրի արշավանքներից ապաստանել էին բազմաթիվ բնակիչներ։ Ավելի ուշ ժամանակներում գյուղը բաժանվում է երկու թաղերի՝ Իրիշատ Ներքին և Իրիշատ Վերին, որոնք հետագայում դառնում են գյուղեր։ Գյուղը գոյություն է ունեցել մինչև Մեծ եղեռնը։

Բնակչություն

1910-ական թվականներին ուներ 66 տուն քուրդ և 25 տուն հայ բնակիչ։

Տնտեսություն

Բնակչության հիմնական զբաղմունքը հողագործություն, այգեգործությունն ու անասնապահությունն էր։ Հայերը նաև զբաղվում էին տառեխի որսով։

Պատմամշակութային կառույցներ

Գյուղում կա հին ավերված բերդ, որի պատճառով երբեմն բնակավայրն կոչում են բերդաքաղաք։

Տես նաև

• Վանի նահանգի հայաբնակ բնակավայրեր

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 4, էջ 463)։