Բացել գլխավոր ցանկը

Երևանի մաթեմատիկական մեքենաների գիտահետազոտական ինստիտուտ

(Վերահղված է ԵրՄՄԳՀԻից)

Երևանի մաթեմատիկական մեքենաների գիտահետազոտական ինստիտուտը (ԵրՄՄԳՀԻ) գիտահետազոտական կենտրոն է Երևանում։ ԵրՄՄԳՀԻ-ն Խորհրդային Միության առաջատար գիտահետազոտական և զարգացման ինստիտուտներից է եղել, որը մի շարք բարձր տեխնոլոգիական ոլորտների, ինչպես փոքր և միջին չափի համակարգիչները և բարձր հուսալիությամբ հաշվողական համալիրների ստեղծման, առաջատարներից է հանդիսացել։

Երևանի մաթեմատիկական մեքենաների գիտահետազոտական ինստիտուտ
Մերգելյան 14.JPG
Տեսակբիզնես ձեռնարկություն
Հիմնադրված1956
Գլխադասային գրասենյակԵրևան, Հայաստան
Կայքycrdi.am

ՊատմությունԽմբագրել

Ինստիտուտը հիմնվել է 1956 թվականին ըստ ԳԱԱ-ի նախաձեռնության և ՀՍՍՀ կառավարության հատուկ որոշմամբ։ Մինչ 1990 թվականի վերջերը ինստիտուտն ունեցել է 7000 հոգի աշխատակազմ, և տեղեկատվական համակարգերի նախագծման և զարգացման ոլորտում համարվել երկրորդը Խորհրդային Միության կազմում։

Երևանի մաթեմատիկական մեքենաների գիտահետազոտական ինստիտուտը (ԵրՄՄԳՀԻ) հիմնադրվել է 1956 թ.։ Նրա գործունեության հիմնական ուղղություններն են եղել էլեկտրոնային հաշվիչ մեքենաների (ԷՀՄ), համալիրների, ինչպես նաև ընդհանուր և հատուկ նշանակության ավտոմատ կառավարման համակարգերի մշակումը և ներդրումը տնտեսության մեջ։ Ինստիտուտը իր երկարամյա գործունեության ընթացքում մշակել և ներդրել է չորս սերնդի ԷՀՄ-ներ, համալիրներ և ավտոմատ կառավարման համակարգեր։ Հայաստանի անկախության ձեռքբերումից հետո ԵրՄՄԳՀԻ-ն իր գիտատեխնիկական ներուժն ուղղել է հանրապետության խնդիրների լուծմանը և կուտակել է կառավարման և ինֆորմացիոն համակարգերի նախագծման ու ներդրման մեծ փորձ։ Ինստիտուտում այսօր աշխատում են հաշվողական համակարգերի, մաթեմատիկական ապահովության և էլեկտրոնիկայի բարձր որակավորմամբ մասնագետներ։

ԳործունեությունԽմբագրել

ԵրՄՄԳՀԻ աշխատանքների ներկայիս հիմնական ուղղություններն են՝

  • Լայն կիրառման ինֆորմացիոն համակարգերի և ավտոմատ կառավարման համակարգերի նախագծում և ներդրում
  • Մասնագիտացված համալիրների տեխնիկական միջոցների ղեկավարման ավտոմատացում
  • Անալիտիկ ինֆորմացիոն-ղեկավարման համակարգերի նախագծում և ներդրում
  • Ավտոմատացման միջոցների շարժական և ստացիոնար իրագործման տիպային համալիրների նախագծում և մատակարարում
  • Հատուկ սարքավորումների նախագծում և մատակարարում
  • Հատուկ նշանակության ռադիոէլեկտրոնային տեխնիկայի վերանորոգում և մոդեռնիզացում[1]

Այսօր ինստիտուտը Հայաստանի սեփականությունը չի հանդիսանում ու աշխատողների քանակը 160-ից ավել չի։

ԱղբյուրներԽմբագրել

  1. Արման Քուչուկյան (Հուլիսի 4-7, 2007)։ «ԵրՄՄԳՀԻ՝ 50 տարի համակարգիչների և տեղեկատվական համակարգերի նախագծման և մշակման գծում (անգլերեն՝ Yerevan Computer Research and Development Institute: 50 years in Design and Development of Computers and Information Systems)»։ 2007 թվականի ԱրմԹեք Կոնգրեսի տեղեկագիր (անգլերեն՝ Proceedings of ArmTech Congress 2007) (անգլերեն) (Սան Ֆրանցիսկո, ԱՄՆ) 

Արտաքին հղումներԽմբագրել