Արման Քուչուկյան

Արման Թագվորի Քուչուկյան (դեկտեմբերի 11, 1932(1932-12-11), Սոֆիա, Բուլղարիա - հոկտեմբերի 30, 2020(2020-10-30), Երևան, Հայաստան), տեխնիկական գիտությունների դոկտոր (1979), պրոֆեսոր (1987), Հայաստանի գիտությունների ազգային ակադեմիայի ակադեմիկոս (1996, թղթակից անդամ՝ 1986)։ ՀԽՍՀ և Հայաստանի գիտության գործիչ։

Արման Թագվորի Քուչուկյան
Ծնվել է	դեկտեմբերի 11, 1932(1932-12-11) Սոֆիա, Բուլղարիա
Մահացել է	հոկտեմբերի 30, 2020(2020-10-30) (87 տարեկան) Երևան, Հայաստան
Ազգություն	հայ
Մասնագիտություն	Հաշվողական տեխնիկա և կառավարման համակարգեր
Գործունեության ոլորտ	automation?
Ալմա մատեր	Երևանի պետական համալսարան
Կոչում	պրոֆեսոր
Գիտական աստիճան	տեխնիկական գիտությունների դոկտոր
Ինչով է հայտնի	Հաշվողական մեքենաներ, ինֆորմացիոն և ավտոմատ կառավարման համակարգերի մշակում։ Երեք սերնդի ԷՀՄ և համակարգերի մշակում և ներդրում։ Ինֆորմացիոն և ԱԿՀ Փարոս, Արաքս, MIDAS և այլ ծրագրերի մշակում և ներդրում
Պարգևներ	Երևանի պատվավոր քաղաքացի և Հայաստանի Հանրապետության գիտության վաստակավոր գործիչ

Կրթություն

• 1957 թվականին ավարտել է Երևանի պետական համալսարանը՝ «Հաշվողական տեխնիկա և կառավարման համակարգեր» մասնագիտությամբ։

Աշխատանքային գործունեությունը

• 1979 թ. նրա ղեկավարությամբ ստեղծվել է ЕС-2345 մատրիցային պրոցեսորը, որը առաջինն էր ԽՍՀՄ-ում։
• Հայաստանի պետական ճարտարագիտական համալսարանի դասախոս, պրոֆեսոր։
• Երևանի մաթեմատիկական մեքենաների գիտահետազոտական ինստիտուտի տնօրենի տեղակալ գիտական գծով։
• Երևանի մաթեմատիկական մեքենաների գիտահետազոտական ինստիտուտի էլեկտրոնային հաշվիչ մեքենաների միացյալ համակարգի գլխավոր կոնստրուկտոր։
• 57 գիտական աշխատությունների հեղինակ։

Հետազոտությունների բնագավառը

• Հաշվողական մեքենաներ, ինֆորմացիոն և ավտոմատ կառավարման համակարգերի մշակում։
• Երեք սերնդի էլեկտրոնային հաշվիչ մեքենաների և համակարգերի մշակում և ներդրում։
• Ինֆորմացիոն և ավտոմատացված կառավարման համակարգերի, Փարոս, Արաքս, MIDAS և այլ ծրագրերի մշակում և ներդրում։

Պարգևներ և կոչումներ

• ՀԽՍՀ պետական մրցանակի դափնեկիր (1974, 1976)։
• ՀԽՍՀ գիտության և տեխնիկայի վաստակավոր գործիչ (1981)
• Լենինյան մրցանակի դափնեկիր (1983)։
• Լեհաստանի «Արժանիքների համար» առաջին աստիճանի շքանշանի ասպետ։
• Աշխատանքային կարմիր դրոշի շքանշանակիր։
• Տեխնիկական գիտությունների դոկտոր (1979)։
• Պրոֆեսոր (1987)։
• ՀԽՍՀ ԳԱ թղթակից-անդամ (1986)։
• Հայաստանի գիտությունների ազգային ակադեմիայի ակադեմիկոս (1996)։
• Երևանի պատվավոր քաղաքացի (1986)։
• Պողոսյան մրցանակ (2003)
• «Հայրենիքին մատուցած ծառայությունների համար» 1-ին աստիճանի մեդալ (2013)։

Աշխատություններ

• Электронная вычислительная машина ЕС-1045.- Москва, Финансы и статистика, 1981, 183 с.
• Электронная вычислительная машина ЕС-1046.- Москва, Радио и связь, 1987, 224 с.

Մամուլ

• Հոդվածների մատենագիտություն։