Ես շընչում եմ միշտ կենդանի Աստծու շունչը ամենուր

«Ես շընչում եմ միշտ կենդանի Աստծու շունչը ամենուր», Հովհաննես Թումանյանի քառյակներից։

Ես շընչում եմ միշտ կենդանի Աստծու շունչը ամենուր
Տեսակ	գրական ստեղծագործություն և քառյակ
Ժանր	քառյակ
Հեղինակ	Հովհաննես Թումանյան
Բնագիր լեզու	հայերեն
Գրվել է	1921
Վիքիդարան	Ես շընչում եմ միշտ կենդանի Աստծու շունչը ամենուր

Պատմություն

Հովհաննես Թումանյանն այս քառյակը գրել է 1921 թվականի փետրվարի 14-ին։ Եղիշե Չարենցի անվան գրականության և արվեստի թանգարանի Թումանյանի ֆոնդի 109-րդ, 110-րդ և 261-րդ համարներում պահվում է երեք ինքնագիր։ 1921 թվականին քառյակն առաջին անգամ տպագրվել է Երևանում՝ «Վերածնունդ» ամսագրի 1-ին համարի 49-րդ էջում, այնուհետև Կ․ Պոլսում լույս տեսած «Բանաստեղծություններ» ժողովածուի 60֊րդ էջում, ապա՝ Թումանյանի երկերի ժողովածուի առաջին հատորի 213֊րդ էջում։ Երկերի լիակատար ժողովածուում քառյակն արտատպվում է Կ․ Պոլսում լույս տեսած «Բանաստեղծություններ» ժողովածուից։