Դոննա Շալեյլա
Դոննա Շալեյլա (անգլ.՝ Donna Edna Shalala, փետրվարի 14, 1941[1][2], Քլիվլենդ, Օհայո, ԱՄՆ[3]), ԱՄՆ առողջապահության և սոցիալական ծառայությունների տասնութերորդ նախարարը։ Եղել է Մայամիի համալսարանի և Վիսկոնսինի համալսարանի նախագահը, ինչպես նաև Քլինթոնի հիմնադրամի ղեկավարը։
| Դոննա Շալեյլա | |
| |
| Կուսակցություն՝ | Դեմոկրատական կուսակցություն |
|---|---|
| Կրթություն՝ | Western College for Women?, Սիրաքյուսի համալսարան, Վաշինգտոնի ամերիկյան համալսարան և Մայամիի համալսարան |
| Մասնագիտություն՝ | համալսարանի դասախոս, արհմիութենական գործիչ և քաղաքական գործիչ |
| Ծննդյան օր | փետրվարի 14, 1941[1][2] (83 տարեկան) |
| Ծննդավայր | Քլիվլենդ, Օհայո, ԱՄՆ[3] |
| Քաղաքացիություն |  ԱՄՆ
|
| Կայք՝ | donnashalala.com |
| Պարգևներ | |
Կենսագրություն խմբագրել
Ծնվել է լիբանանցիների ընտանիքում[8], հայրը՝ նպարավաճառ Ջեյմս Աբրահամ Շալեյլան է, մայրը՝ փաստաբան Էդնա Սմիթն է։ Մեծացել է Քլիվլենդում։ Իր երկվորյակ քրոջ հետ սովորել է տեխնիկական դպրոցում, որն ավարտել է 1958 թվականին[9]։ Նա այնուհետև սովորել է Օհայոյի կանանց Արևմտյան քոլեջում, որտեղ 1962 թվականին ստացել է արվեստի բակալավրի աստիճան։
Շալեյլան դասախոսական գործունեություն է սկսել Բարուխ քոլեջում, անդամագրվել է դասախոսների ամերիկյան արհմիությանը։ 1972-1979 թվականներին քաղաքագիտություն է դասավանդել Կոլումբիայի համալսարանում[10]։ 1977-1980 թվականներին միաժամանակ նա զբաղեցրել է ԱՄՆ-ի բնակարանային շինարարության և քաղաքային զարգացման դեպարտամենտում քաղաքականության մշակման և հետազոտությունների քարտուղարի օգնականի պաշտոնը՝ նախագահ Ջիմի Քարթերի ղեկավարության ժամանակ։
Շալեյլայի կառավարման գործունեության փորձը սկսվել է 1980 թվականի հոկտեմբերի 8-ից, երբ նա ընտրվել է Հանթերի քոլեջի 10-րդ նախագահ, որտեղ այդ պաշտոնում աշխատել է մինչև 1988 թվականը։ Այնուհետև 1988-1993 թվականներին եղել է Վիսկոնսին-Մեդիսոն համալսարանի ղեկավար[11]։
1992-1993 թվականներին եղել է երեխաների պաշտպանության հիմնադրամի նախագահ։ 1993 թվականի հունվարի 22-ին գլխավորել Է ԱՄՆ-ի առողջապահության և սոցիալական ծառայությունների նախարարությունը նախագահ Բիլ Քլինթոնի վարչակազմում։ Նախարարությունը ղեկավարել է 8 տարի, ինչը գերատեսչության պատմության մեջ ամենաերկար ժամկետն էր։ 1996 թվականին Շալեյլան նախագահի հերթապահ թեկնածուն էր, երբ Քլինթոնը հանդես էր գալիս նախագահի ուղերձով։ Նախարարի պաշտոնում կոշտ հակաթմրամիջոցային դիրքորոշում է ունեցել[12]։ Washington Post թերթի կարծիքով՝ ժամանակակից ժամանակների առողջապահության ամենահաջողակ նախարարն է[13]։
2001 թվականի հունիսի 1-ից մինչև 2015 թվականի օգոստոսի 16-ը եղել է Մայամիի համալսարանի ռեկտոր։ 2015-2017 թվականներին գլխավորել Է Քլինթոնի բարեգործական հիմնադրամը։
Ծանոթագրություններ խմբագրել
- ↑ 1,0 1,1 Encyclopædia Britannica
- ↑ 2,0 2,1 Munzinger Personen (գերմ.)
- ↑ 3,0 3,1 3,2 The International Who's Who of Women 2006 — Routledge, 2005. — ISBN 978-1-85743-325-8
- ↑ https://www.gf.org/fellows/all-fellows/donna-e-shalala/
- ↑ https://www.womenofthehall.org/inductee/donna-e-shalala/
- ↑ https://commencement.miami.edu/about-us/archives/honorary-degree-recipients/index.html
- ↑ https://www.spelman.edu/docs/honorary-degrees/honorary-degree-recipients---1977-present---as-of-november-2022---revised-(012023).pdf?sfvrsn=f4347e51_2
- ↑ Американцы арабского происхождения, которые меняют мир к лучшему
- ↑ Shalala, Donna (1941–). In: Mary Ellen Snodgrass: American Women Speak: An Encyclopedia and Document Collection of Women’s Oratory. Band 1. ABC-Clio, Santa Barbara, CA, Denver 2017, С. 639–642. (անգլ.)
- ↑ Silhouettes of TC Today cover (անգլ.)
- ↑ Past presidents and chancellors (անգլ.)
- ↑ UM president Donna Shalala lauded for handling of NCAA investigation (անգլ.)
- ↑ Donna Shalala's reflections on running HHS (անգլ.)
 | Վիքիպահեստն ունի նյութեր, որոնք վերաբերում են «Դոննա Շալեյլա» հոդվածին։ |