Դմիտրի Մոցպան
Դմիտրի Մոցպան (մոլդ.՝ Dumitru Moțpan, մայիսի 3, 1940, Seliște, Nisporeni District, Մոլդովա և Nisporeni District, Մոլդովա - հունիսի 23, 2018, Քիշնև, Մոլդովա), մոլդովացի քաղաքական գործիչ, 1997-1998 թվականներին Մոլդովայի խորհրդարանի նախագահը։
Դմիտրի Մոցպան | |
Կուսակցություն՝ | Agrarian Party of Moldova? և ԽՄԿԿ |
---|---|
Մասնագիտություն՝ | քաղաքական գործիչ և գյուղատնտես |
Ծննդյան օր | մայիսի 3, 1940 |
Ծննդավայր | Seliște, Nisporeni District, Մոլդովա կամ Nisporeni District, Մոլդովա |
Վախճանի օր | հունիսի 23, 2018 (78 տարեկան) |
Վախճանի վայր | Քիշնև, Մոլդովա |
Քաղաքացիություն | Մոլդովա |
Պարգևներ |
Կենսագրություն
խմբագրելԴմիտրի Մոցպանը ծնվել է 1940 թվականի մայիսի 3-ին Նիսպորենի շրջանի Սելիշտա գյուղում։
Մասնագիտական գործունեություն
խմբագրելԱվարտել է Սորոկի սովխոզ-գյուղատնտեսական արտադրության մեքենայացման և էլեկտրաֆիկացման տեխնիկումը և Օդեսայի բարձրագույն կուսակցական դպրոցը։ Մինչև 1991 թվականը ԽՄԿԿ անդամ էր։
Աշխատել է որպես ինժեներ-մեխանիկ, «Լենինի ուղին Ֆելեշթերում» կոլխոզի նախագահն էր, տարբեր պաշտոններ է զբաղեցրել տեղական կուսակցական մարմիններում։ 1990-1998 թվականներին Մոլդովայի Հանրապետության խորհրդարանի պատգամավոր էր։
Քաղաքական գործունեություն
խմբագրելՈրպես պատգամավոր՝ Դմիտրի Մոցպանը ընդարձակ գործունեություն է ծավալել, 1990 թվականի ապրիլին ստեղծված «Viața Satului» (Գյուղական կյանք) խորհրդարանական ակումբի ակտիվ անդամ էր, որի կազմում ընդգրկվել է 60 պատգամավոր։ Այս ակումբը դարձել է Մոլդովայի ագրարային-դեմոկրատական կուսակցության ստեղծման հիմքը։ 1991 թվականի հոկտեմբերի 19-ին կուսակցության համագումարը հավանություն է տվել ծրագրին ու կանոնադրությանը և պատգամավոր Դմիտրի Մոցպանին ընտրել նոր քաղաքական կազմավորման նախագահ։
Մոլդովայի ագրարադեմոկրատական կուսակցության խորհրդարանականները Մոլդովայի ժողովրդական ճակատի պատգամավորներին մեղադրել են ոչ կոմպետենտության մեջ՝ պահանջելով և հասնելով արտահերթ ընտրությունների։ 1994 թվականի փետրվարի 27-ին կայացած արտահերթ խորհրդարանական ընտրություններում ՄԱԴԿ-ն մեծ հաջողության է հասել՝ հավաքելով ընտրողների ձայների 43.18%-ը և, հետևաբար, 104 մանդատից 54-ը խորհրդարանում։ Այսպիսով, ՄԱԴԿ-ն ստացել է խորհրդարանի նախագահի պաշտոնը (Պյոտր Լուչինսկին), փոխնախագահների երկու պաշտոնները և 10 խորհրդարանական հանձնաժողովներից 8-ի նախագահությունը։ Դմիտրի Մոցպանն ընտրվել է խորհրդարանի փոխնախագահ 1994-1997 թվականներին։
1991 թվականից Դմիտրի Մոցպանը Մոլդովայի ագրարային-դեմոկրատական կուսակցության նախագահն էր։ Մոլդովայի Հանրապետության նախագահի պաշտոնում Պյոտր Լուչինսկու ընտրվելուց հետո և Մոցպան Լուչինսկու հեռանալուց հետո թափուր մնացած պաշտոնի թեկնածու էր, սակայն անհրաժեշտ 53 ձայնը չի հավաքել։
Այնուամենայնիվ, 1997 թվականի մարտի 6-ին Դմիտրի Մոցպանն ընտրվել Է Մոլդովայի Հանրապետության խորհրդարանի նախագահ 101 ձայնով և այդ պաշտոնը զբաղեցրել 1997 թվականի մարտի 5-ից մինչև 1998 թվականի ապրիլի 23-ը։
1998 թվականի մարտին կայացած խորհրդարանական ընտրություններում Մոլդովայի ագրարադեմոկրատական կուսակցությունը կորցրել է իր անդամների և ընտրազանգվածի զգալի մասը՝ հավաքելով ընդամենը ձայների 3,63%-ը, և չի մտել խորհրդարանի կազմի մեջ։ 1998 թվականին Դմիտրի Մոցպանը թոշակի է անցել՝ հրաժարվելով քաղաքական գործունեությունից։
2018 թվականի հունիսի 23-ին Դիմիտի Մոցպանը մահացել է[1]։
Պարգևներ
խմբագրելԾանոթագրություններ
խմբագրել- ↑ Парламент выразил соболезнования в связи с кончиной бывшего председателя законодательного органа Дмитрия Моцпана
- ↑ «УКАЗ Nr. 450 от 28.12.2012 о награждении депутатов Парламента Республики Молдова двенадцатого созыва орденом „Ordinul Republicii"». Արխիվացված է օրիգինալից 2018 թ․ դեկտեմբերի 18-ին. Վերցված է 2021 թ․ մարտի 24-ին.
- ↑ «УКАЗ Nr. 236 от 22.08.1996 О награждении государственными наградами депутатов Парламента Республики Молдова двенадцатого созыва». Արխիվացված է օրիգինալից 2018 թ․ դեկտեմբերի 18-ին. Վերցված է 2021 թ․ մարտի 24-ին.