Դինա Էշեր-Սմիթ
Դինա Էշեր-Սմիթ (անգլ.՝ Dina Asher-Smith; ), բրիտանացի մարզիկ, որը մասնագիտանում է կարճ տարածություններում, Օլիմպիական խաղերի կրկնակի բրոնզե մեդալակիր 4×100 մ փոխանցումավազքում (2016 և 2020), 2019 թվականի աշխարհի չեմպիոն 200 մետր հեռավորության վրա, Եվրոպայի քառակի չեմպիոն։ Մեծ Բրիտանիայի ռեկորդակիր 100 մետր (10,83) և 200 մետր (21,88) մրցատարածություններում։
Կարիերա խմբագրել
.jpg)
2011 թվականի Պատանիների համագործակցության խաղերի հաղթող 200 մետր վազքում և 4×100 մետր փոխանցումավազքում։ Հանդես է եկել 2012 թվականի պատանիների աշխարհի առաջնությունում, որտեղ 200 մետր վազքում զբաղեցրել է 7-րդ տեղը։
2013 թվականի Պատանիների Եվրոպայի չեմպիոն 200 մետր վազքում և 4×100 մետր փոխանցումավազքում։ 2014 թվականի պատանիների աշխարհի չեմպիոն 100 մետր վազքում։
2015 թվականին Պրահայում կայացած Եվրոպայի փակ առաջնության 60 մետր վազքում դարձել է երկրորդը։
2016 թվականին Ամստերդամում կայացած Եվրոպայի առաջնությունում 200 մետր վազքում 22,37 արդյունքով ոսկի է նվաճել, ինչպես նաև 4×100 մետր փոխանցումավազքում երկրորդն է դարձել Մեծ Բրիտանիայի հավաքականի կազմում։
2016 թվականի Օլիմպիական խաղերում Դինան 5-րդն էր 200 մետր (22,31) վազքում, ինչպես նաև բրոնզե մեդալ նվաճեց 4×100 մ փոխանցումավազքում Մեծ Բրիտանիայի հավաքականի կազմում (ազգային ռեկորդ՝ 41,77):
Լոնդոնում կայացած աշխարհի 2017 թվականի առաջնությունում Դինան 4×100 մ փոխանցումավազքում նվաճեց արծաթ։
Բեռլինում կայացած Եվրոպայի 2018 թվականի առաջնությունում էշեր-Սմիթը ոսկի է նվաճել 100 և 200 մետր մրցատարածություններում, ինչպես նաև 4×100 մ փոխանցումավազքում։ Միևնույն ժամանակ, բոլոր երեք հեռավորություններում սահմանվել են Մեծ Բրիտանիայի նոր ռեկորդներ։
2019 թվականի սեպտեմբերի 29-ին Դոհայում Դինան դարձավ Աշխարհի առաջնության արծաթե մեդալակիր 100 մետր վազքում՝ ցույց տալով 10,83 վայրկյան արդյունք եզրափակիչ մրցավազքում և 0,12 վայրկյան զիջելով հաղթող Շելլի-Էն Ֆրեյզեր-Փրայսին[1]։ 200 մետր մրցատարածությունում նա առաջինն է ավարտել եզրափակիչ վազքը՝ ցույց տալով 21,88 արդյունք և դառնալով աշխարհի չեմպիոն[2]։
Հանդես է գալիս Blackheath and Bromley Harriers սպորտային ակումբներում։
Ծանոթագրություններ խմբագրել
- ↑ «Фрейзер-Прайс – чемпионка мира на стометровке» (ռուսերեն). Советский спорт. Արխիվացված օրիգինալից 2019 թ․ սեպտեմբերի 30-ին. Վերցված է 2019 թ․ սեպտեմբերի 30-ին.
- ↑ «Британка Эшер-Смит стала чемпионкой мира в беге на 200 метров». ТАСС. Արխիվացված օրիգինալից 2019 թ․ հոկտեմբերի 3-ին. Վերցված է 2019 թ․ հոկտեմբերի 3-ին.
Արտաքին հղումներ խմբագրել
- Дина Эшер-Смит - անձնական էջը IAAF-ում(անգլ.)