Դիանա Մաշկովա
Դիանա Մաշկովա (ռուս.՝ Машкова, Диана Владимировна,նոյեմբերի 29, 1977, Կազան, ՌԽՖՍՀ, ԽՍՀՄ), ռուս բանաստեղծուհի, լրագրող։ «Բարության թվաբանություն» բարեգործական հիմնադրամի «Լուսավորվածություն» ծրագրի ղեկավարը և «Խնամակալ ընտանիքի այբբենարան» ակումբի հիմնադիրը։
| Դիանա Մաշկովա | |
|---|---|
| Ծնվել է | նոյեմբերի 29, 1977 (46 տարեկան) |
| Ծննդավայր | Կազան, ՌԽՖՍՀ, ԽՍՀՄ |
| Քաղաքացիություն |  Ռուսաստան |
| Մայրենի լեզու | ռուսերեն |
| Կրթություն | Թաթարական պետական հումանիտար-մանկավարժական համալսարան և Կազանի Դաշնային համալսարան |
| Գիտական աստիճան | բանասիրական գիտությունների թեկնածու |
| Մասնագիտություն | գրող և լրագրող |
| Աշխատավայր | Կազանի Դաշնային համալսարան |
| Կայք | dmashkova.ru |
Կենսագրություն խմբագրել
Ծնվել է պրոֆեսորի և ինժեների ընտանիքում։ Ավարտել է Կազանի մանկավարժական համալսարանը և Կազանի պետական համալսարանի ասպիրանտուրան։ ԲՈՒՀ-ում դասավանդել է անգլերեն, արտասահմանյան գրականություն։ 2002 թվականին պաշտպանել է թեկնածուական թեզ։ Բանասիրական գիտությունների թեկնածու է (մասնագիտացումը՝ արտասահմանյան գրականություն)։
2002 թվականին տեղափոխվել է Մոսկվա։ Աշխատել է, որպես թարգմանիչ Daily Telegraph-ի լրագրողների հետ։ 2002-2010 թվականներին եղել է «Տրանսաերո» ավիաընկերության աշխատակից, զբաղեցրել է VIP հաճախորդների հետ աշխատանքի գծով տնօրենի պաշտոնը։ 2011-2012 թվականին եղել է ավիաընկերության ամսագրի գլխավոր խմբագիրը։ 2013-2015 թվականներին եղել է Կոմերսանտ FM-ի գրական մեկնաբանը։ Ներկայումս «ԷԿՍՄՈ» հրատարակչության մշտական հեղինակն է, համագործակցում է տպագիր լրատվամիջոցների հետ։
Առաջին հրապարակումը (չհաշված գիտական հոդվածները) տպագրվել է 2007 թվականին «Լիտերատուրնայա գազետա»-ում։ Այդ ժամանակ էլ սկսվել է գրական կարիերան՝ լույս է տեսել «Պլյուս մինուս սեր» պատմվածքների և վիպակների առաջին ժողովածուն։ Բանաստեղծ Անդրեյ Դեմենտևի արձագանքների շնորհիվ սկսնակ հեղինակին նկատել են խոշոր հրատարակչությունում։
Դիանա Մաշկովայի վեպերի հեղինակային շարքը լույս է տեսնում «ԷԿՍՄՈ» հրատարակչատանը։ Շապիկների ձևավորման մեջ օգտագործվում են նկարիչ Էդուարդ Ուլանի նկարները։ Գրքի նոր շարքը լույս է տեսել ֆոտոնկարիչ Ելենա Մարտինյուկի հեղինակային կազմով։
2014 թվականին ամուսնու հետ հիմնադրել է «Բարության թվաբանություն» բարեգործական հիմնադրամի «Խնամակալ ընտանիքի այբբենարան» ակումբը, որը Դիանան ղեկավարել է մինչև 2018 թվականը։ Ակումբը զբաղվում է կայացած և պոտենցիալ խնամակալ ընտանիքներին ռեսուրսային աջակցությամբ, աջակցում է որբ երեխաների որդեգրմանը։
2018 թվականից «Բարության թվաբանություն» բարեգործական հիմնադրամի «Լուսավորվածություն» ծրագրի ղեկավարն է։
Ընտանիք խմբագրել
Ամուսնացած է Դենիսոմ Սալտեևի հետ։ Ամուսնու հետ ունի երեք դուստր և մեկ որդի։
Մատենագրություն խմբագրել
- Плюс минус любовь («Պլյուս մինուս սեր»), 2007, 5000 օրինակ[1]
- Ты, я и Гийом («Դու, ես և Գիյոմը»), 2010, 15100 օրինակ[2]
- Нежное солнце Эльзаса («Էլզասի մեղմ արևը»), 2010, 5000 օրինակ[3]
- Дом под снегом («Տունը ձյան տակ»), 2010, 15000 օրինակ[4]
- Вкус неба («Երկնքի համը»), 2010, 25000 օրինակ[5]; 2011, 12000 օրինակ[6]
- Парижский шлейф («Փարիզյան քափեշ»), 2010, 25000 օրինակ[7]; 2011, 12000 օրինակ[8]
- Женщина из прошлого («Կինն անցյալից»), 2011, 25000 օրինակ[9]; 2011, 10000 օրինակ[10]
- Он&Она («Նա&Նե» (համահեղինակ՝ Օլեգ Ռոյ), 2011, 20100 օրինակ[11]
- Любовный треугольник («Սիրո եռանկյունի»), 2011, 25000 օրինակ[12]
- Обаятельная Вера («Հմայիչ Վերան»), 2011, 7000 օրինակ[13]
- Дочки-матери («Մայրեր-դուստրեր»), 2012, 5000 օրինակ[14]
- Развод по-русски («Ամուսնալուծություն ռուսական ձևով»), 2013
- Главные правила жизни («Կյանքի գլխավոր կանոնները»), 2013
- Если б не было тебя («Եթե դու չլինեիր»), 2014
- Караван счастливых историй («Երջանիկ պատմությունների քարավանը»), 2016[15]
- Чужие дети («Օտար երեխաներ»), 2017[16]
- Меня зовут Гоша. История сироты («Իմ անունն է Գոշա։ Որբի պատմությունը»), 2018[17]
Հետաքրքիր փաստեր խմբագրել
- «Մայրեր-դստրեր» գրքի համահեղինակ է դարձել Դիանայի 12-ամյա դուստրը՝ Նելլան։
- Դիանա Մաշկովայի աշխատանքային փորձն ավիաընկերությունում արտացոլվել է «Երկնքի համը» և «Կինն անցյալից» երկերգության մեջ։
- «Եթե դու չլինեիր» և «Օտար երեխաներ» գրքերը հիմնված են իրական իրողությունների վրա և նվիրված են Ռուսաստանում որդեգրման թեմային։
- «Իմ անունն է Գոշա։ Որբի պատմությունը» գիրքը գրվել է որդեգրած որդու՝ Գեորգի Գինժուի համահեղինակությամբ։
Ծանոթագրություններ խմբագրել
- ↑ «Плюс минус любовь»(չաշխատող հղում)
- ↑ «Ты, я и Гийом»(չաշխատող հղում)
- ↑ «Нежное солнце Эльзаса»(չաշխատող հղում)
- ↑ «Дом под снегом»(չաշխատող հղում)
- ↑ «Вкус неба»(չաշխատող հղում)
- ↑ «Вкус неба»(չաշխատող հղում)
- ↑ «Парижский шлейф»(չաշխատող հղում)
- ↑ «Парижский шлейф»(չաշխատող հղում)
- ↑ «Женщина из прошлого»(չաշխատող հղում)
- ↑ «Женщина из прошлого»(չաշխատող հղում)
- ↑ «Он&Она»(չաշխատող հղում)
- ↑ «Любовный треугольник»(չաշխատող հղում)
- ↑ «Обаятельная Вера»(չաշխատող հղում)
- ↑ «Дочки-матери»(չաշխատող հղում)
- ↑ «Караван счастливых историй, Эксмо». Արխիվացված է օրիգինալից 2019 թ․ հուլիսի 7-ին. Վերցված է 2019 թ․ հուլիսի 7-ին.
- ↑ «Чужие дети, изд. Эксмо».
- ↑ «Меня зовут Гоша, Эксмо».