Դարսիի օրենք

Դարսիի օրենք (ֆրանսիացի ինժեներ Դարսիի անունով), ծակոտկեն միջավայրում լամինար շարժման պայմաններում հեղուկի ծծանցման օրենք։ Ըստ Դարսիի օրենքի, ծծանցման արագությունը $(v)$ համեմատական է ճնշումային գրադիենտին $(i)$։ $v=ki$, որտեղ $k$-ն ծծանցման գործակիցն է և չափվում է սմ/վրկ-ներով։ $k$-ի թվային արժեքը կախված է գրունտի և հեղուկի ֆիզիկական հատկություններից (ծակոտիների մեծություն, հեղուկի ջերմաստիճան և այլն)։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 3, էջ 317)։