Դավիթ Նալչաջյան

երաժիշտ

Դավիթ Նալչաջյան (օգոստոսի 31, 1979(1979-08-31), Երևան, Հայկական ԽՍՀ, ԽՍՀՄ), հայ սաքսոֆոնահար, ջազային երաժիշտ։

Դավիթ Նալչաջյան
Ծնվել էօգոստոսի 31, 1979(1979-08-31) (44 տարեկան)
ԾննդավայրԵրևան, Հայկական ԽՍՀ, ԽՍՀՄ
Քաղաքացիություն Հայաստան
ԿրթությունԱլեքսանդր Սպենդիարյանի անվան երաժշտական մասնագիտական դպրոց
Մասնագիտությունսաքսոֆոնահար և ջազ երաժիշտ
ԱշխատավայրԱլեքսանդր Սպենդիարյանի անվան երաժշտական մասնագիտական դպրոց

Կենսագրություն խմբագրել

Դավիթ Նալչաջյանը ծնվել է 1979 թվականի օգոստոսի 31-ին՝ Երևանում[1]։ Երաժշտական կրթությունը ստացել է Երևանի Ալեքսանդր Սպենդիարյանի անվան երաժշտական մասնագիտական դպրոցում՝ սաքսաֆոնահար Ալեքսանդր Մանուկյանին դասարանում։ 1996-2001 թվականներին ուսումը շարունակել է Երևանի Կոմիտասի անվան պետական կոնսերվատորիայում։

Արմեն Հյուսնունցի և Վահագն Հայրապետյանի մոտ սովորել է ջազի վարպետություն։ Որպես ուսուցիչ աշխատել է Երևանի Ալեքսանդր Սպենդիարյանի անվան երաժշտական մասնագիտական դպրոցում, իսկ որպես երաժիշտ՝ «Արարատ» փողային և Մանկական ֆիլհարմոնիկ սիմֆոնիկ ջազային նվագախմբերում։

Դավիթ Նալչաջյանը եղել է «Նոր անուններ» միջտարածաշրջանային բարեգործական հասարակական հիմնադրամի անդամ, որի հետ զուգահեռ ջազ է նվագել ակումբներում։ նվագել է նաև երաժիշտ Արսեն Ներսիսյանի ղեկավարած «Ֆանքի բրաս» խմբում, ինչպես նաև Հայաստանի հեռուստառադիոընկերության պետական ջազային նվագախմբում[2]։

1998 թվականից հանդիսացել է «Armenian Navy Band» խմբի անդամ։ Խմբի հետ լԴավիթ Նալչաջյանը մասնակցե է աշխարհի մի շարք հեղինակավոր երաժշտական փառատոների, նվագել է ի երաժիշտներ Ջո Զավինուլի, Քարիմ Զիադի, Իգոր Բութմանի, Բորիս Գրեբենշիկովի հետ։

Որպես սաքսաֆոնահար 2001 թվականից աշխատել է Հայաստանի պետական ջազ նվագախմբում։ Ընդգրկվել է երաժիշտ, սաքսոֆոնահար, գործիքավորող, կոմպոզիտոր,Արմեն Հյուսնունցի հիմնած «Արտասաքս» կվարտետի խմբում։

2004-2009 թվականներին Դավիթ Նալչաջյանը նվագել է «Կատուներ» խմբում, ձայնագրվել է ձայնասկավառակներում։

Ծանոթագրություններ խմբագրել

  1. «AV Production - Դավիթ Նալչաջյան». avproduction.am. Արխիվացված է օրիգինալից 2021 թ․ օգոստոսի 31-ին. Վերցված է 2021 թ․ օգոստոսի 31-ին.
  2. «Դավիթ Նալչաջյան | Music of Armenia». musicofarmenia.com. Արխիվացված է օրիգինալից 2021 թ․ օգոստոսի 31-ին. Վերցված է 2021 թ․ օգոստոսի 31-ին.

Արտաքին հղումներ խմբագրել