Դավիթ Բաղիշեցի
Դավիթ Բաղիշեցի, ժամանակագիր, ծնվել է Բաղեշում (ծննդյան թվականը անհայտ է), 29.12.1673 թ.։ Աշակերտել է Բաղեշի հոգևոր առաջնորդ Մեսրոպ վարդապետին։ Նա 1641 թ.-ին ձեռնադրվել է քահանա, 1647 թ.-ին՝ վարդապետ, 1651 թ.-ին դարձել է Բաղեշի Խնդրակատար Ս. Աստվածածին վանքի վանահայրը, իսկ կյանքի վերջին տարիներին եղել է Առաքելոց վանքի վանահայր։ Ընդօրինակել է տվել մի շարք ձեռագրեր։ Հիմնական աշխատությունը Ժամանակագրությունն է։ Բաղկացած է երկու մասից։ Առաջինն ընդգրկում է հայոց պատմությունը՝ սկսած հնագույն ժամանակներից մինչև հեղինակի ապրած ժամանակը՝ 1662 թ.։ Երկրորդ մասը ընդհանուր պատմությունն է, որն սկսվում է Աստվածաշնչով և ավանդական զրույցներով ու ավարտվում է թուրքերի կողմից Կոստանդնուպոլսի գրավման (1453 թ.) փաստով։ Ժամանակագրության հիմնական մասը քաղված է տարբեր հեղինակների աշխատություններից (Աստվածաշունչ, Հոմերոս, Եվսեբիոս Կեսարացի, Մովսես Խորենացի, Ագաթանգեղոս, Փավստոս Բուզանդ և այլն։ Արժեքավոր տեղեկություններ կան Բաղեշում կատարված դեպքերի վերաբերյալ։
Դավիթ Բաղիշեցի | |
|---|---|
| Ծնվել է | անհայտ Բաղեշ |
| Մահացել է | դեկտեմբերի 29, 1673 Բաղեշ |
| Մասնագիտություն | գիտնական |
| Գործունեության ոլորտ | պատմություն |
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 3, էջ 302)։ 
|
|
Սա անձի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ |