Դաստակերտ (Մարտակերտի շրջան)

Դաստակերտ, գյուղ Մեծ Հայքի Արցախ աշխարհի Մեծ Իրանք գավառում։ Հետագայում ամայի գյուղ Լեռնային Ղարաբաղի Հանրապետությունում։ Մտնում էր Տոնաշեն համայնքի մեջ։

Գյուղ
Դաստակերտ
Երկիր	Արցախ
Շրջան	Մարտակերտի
Առաջին հիշատակում	XII դար
Այլ անվանումներ	Դաստագի, Դաստագիր, Դաստագյուլ, Դաստակեր, Դաստակիր, Դաստերգյուլ
Պաշտոնական լեզու	հայերեն
Տեղաբնականուն	դաստակերտցի

Նախկինում մտնում էր Ելիզավետպոլի նահանգի Ջևանշիրի գավառի մետ։ Այդ ժամանակվանից գյուղն ամայի է։

Անվան ստուգաբանություն

Գյուղը հանդիսացել է Վաչագան թագավորի աղջիկներից մեկի ամառանոցը, որի պատճառով էլ կոչվել է Դաստակերտ։

Պատմություն

Բնակավայրի մասին հիշատակվում է XII-XIII դարերից։ Գյուղի ավերակների տեղում XX դարի սկզբին Շուշիից ու Զանգեզուրից եկածները հիմնել են նույն անունով փոքրիկ գյուղ։

Պատմամշակութային հուշարձաններ

Գյուղն ուներ XIV դարի եկեղեցի։ XIV դարում եկեղեցում ընդօրինակվել է ձեռագրեր։ Եկեղեցին կառուցել է Վաչագան թագավորի աղջիկը, որի գերեզմանը գտնվում է այդ եկեղեցու մեջ։

1985 թվականի դրությամբ պահպանվել էր կիսավեր եկեղեցին, որի վրա կար 1276 թվականի մի արձանագրություն, և անտառի տակ թաղված գերեզմանատունը։