Դայմոնդ Դալաս Փեյջ
Դալաս Փեյջ[4] (անգլ.՝ Dallas Page, ծնված որպես` Փեյջ Ջոզեֆ Ֆալկինբուրգ [Page Joseph Falkinburg], ապրիլի 5, 1956[1][4]), առավել հայտնի Դայմոնդ Դալաս Փեյջ (Diamond Dallas Page, DDP) ռինգային անվամբ, ամերիկացի կիսաակտիվ պրոֆեսիոնալ ըմբշամարտիկ (ռեստլեր), ֆիթնես հրահանգիչ, մոտիվացիոն բանախոս և դերասան։ Շուրջ երկու տասնամյակ ունեցած ռեստլինգային կարիերայի ընթացքում հանդես է եկել «World Championship Wrestling» (WCW), «World Wrestling Federation» (WWF, այժմ՝ WWE) և «Total Nonstop Action Wrestling» (TNA) առաջնություններում։
| Դայմոնդ Դալաս Փեյջ Diamond Dallas Page | |
|---|---|
 Փեյջը 2018 թվականին | |
| Իրական անուն | Դալաս Փեյջ[1] Dallas Page |
| Ընդհանուր տեղեկություններ | |
| Հայտարարվող քաշ | 112 կգ[2] |
| Հայտարարվող հասակ | 1,93 մ |
| Ծննդյան թվական | ապրիլի 5, 1956 (68 տարեկան)[1] |
| Ծննդավայր |  Փոյնթ Փլեզանթ, Նյու Ջերսի, ԱՄՆ[1] |
| Ապրելավայր | Ատլանտա, Ջորջիա, ԱՄՆ |
| Մարզիչ | Ջեյք Ռոբերթս[1] «WCW Power Plant»[1] |
| Դեբյուտ | Նոյեմբերի 18, 1991[3] |
| Ամուսին | Քիմբեռլի Փեյջ (1991-2005) Բրենդա Նեյր (2015-այժմ) |
| Երեխաներ | 2 |
Ռեստլինգի արդյունաբերություն Ֆալկինբուրգը մուտք է գործել 1988 թվականին (32 տարեկանում)՝ ելույթներ ունենալով «American Wrestling Association» (AWA) կազմակերպությունում, որպես ռինգային մենեջեր։ Որոշ ժամանակ անց պայմանագիր է կնքել «WCW»-ի հետ, 1991 թվականի տարեվերջին կատարելով արդեն մարզական առաջնաելույթը։ «WCW»-ում ունեցած շուրջ տասնամյա կարիերայի ընթացքում երեք անգավ նվաճել է WCW աշխարհի ծանրքաշային, երկու անգամ՝ WCW Միացյալ Նահանգների, չորս անգամ` WCW աշխարհի թիմային և մեկ անգամ` WCW հեռուստատեսային չեմպիոնական տիտղոսները։
2001 թվականի «WCW»-ի վաճառքից հետո, Ֆալկինբուրգը սկսում է հանդես գալ «WWF»-ում, որտեղ ունեցած մարզական կարիերայի ընթացքում մեկական անգամներ ճանաչվել է WWF Եվրոպայի և WWF աշխարհի թիմային չեմպիոն։ Պարբերական վնասվածքների պատճառով 2002 թվականին հեռացել է արդյունաբերությունից։ 2004-2005 թվականներին կարճատև ելույթներ է ունեցել «TNA» կազմակերպությունում։
2017 թվականին դարձել է WWE փառքի սրահի անդամ։
Հայտնի է նաև որպես «DDP YOGA» կոչվող յոգա ծրագրի հեղինակ։
Ծանոթագրություններ խմբագրել
- ↑ 1,0 1,1 1,2 1,3 1,4 1,5 «DDP-ի էջը». «Ռեստլինգի առցանց աշխարհ». Վերցված է 2016 թ․ սեպտեմբերի 29-ին.
- ↑ «Էջը WWE.com կայքում». WWE. Վերցված է 2016 թ․ սեպտեմբերի 29-ին.
- ↑ http://www.cagematch.net/?id=2&nr=18&gimmick=Diamond+Dallas+Page
- ↑ 4,0 4,1 «DDP-ի կենսագրությունը». ddpbang.com. Արխիվացված է օրիգինալից 2008 թ․ օգոստոսի 3-ին. Վերցված է 2016 թ․ սեպտեմբերի 29-ին.
Արտաքին հղումներ խմբագրել
- Պաշտոնական կայք(անգլ.)
- Էջը WWE.com կայքում(անգլ.)
- Մարտերի ցանկը Ռեստլինգի համացանցային բազայում(անգլ.)
 | Վիքիպահեստն ունի նյութեր, որոնք վերաբերում են «Դայմոնդ Դալաս Փեյջ» հոդվածին։ |