Գոմս (Կարճկանի գավառ)

Գոմս, գյուղ Արևմտյան Հայաստանում, Վանի վիլայեթի Կարճկանի գավառակում։ Գտնվում էր Վանա լճի հարավ-արևմտյան կողմում, լճից 3 կմ հեռու, սարավանդում։

Գյուղ
Գոմս
Վարչական տարածք	Արևմտյան Հայաստան
Վիլայեթ	Վանի վիլայեթՎանի վիլայեթ
Գավառակ	Կարճկանի գավառակ
Այլ անվանումներ	Գեմ, Գոմեր, Կոմս
Պաշտոնական լեզու	Հայերեն
Ազգային կազմ	Հայեր (մինչև Մեծ եղեռնը)
Կրոնական կազմ	Քրիստոնյա (մինչև Մեծ եղեռնը)
Ժամային գոտի	UTC+3

Աշխարհագրություն

Գյուղի շուրջը տարածվում էր ընդարձակ ու արգավանդ վարելահողեր։

Պատմություն

Բնակչության մեծ մասը զոհվել է 1915 թվականի Մեծ եղեռնի ժամանակ։ Կենդանի մնացածները, անհավասար ինքնապաշտպանական կռիվներ մղելով, ազատվել ու գաղթել են Արևելյան Հայաստան։

Բնակչություն

1858 թվականին ուներ 22, իսկ 1909 թվականին՝ մոտ 50 տուն հայ բնակիչ։

Տնտեսություն

Բնակչության հիմնական զբաղմունքը հողագործություն, անասնապահություն և ատաղձագործությամբ։

Պատմամշակութային կառույցներ

Գոմս ուներ Ս. Թովմաս անունով եկեղեցի։ Գյուղից 8-10 կմ հյուսիս՝ լճափին, գտնվում է Ս. Գեորգ (նաև Գոմաց ս. Գեորգ) վանքը, որը կանգուն էր մինչև 1915 թվականը։

Կրթություն

Գյուղի երեխաները հաճախում էին մոտ 4 կմ հեռավորության վրա գտնվող Եղեգիս գյուղի վարժարան։

Տես նաև

• Վանի նահանգի հայաբնակ բնակավայրեր

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն