Գեորգի Ձիձարիա

Գեորգի Ձիձարիա;
Ծնվել է	1914
Կրթություն	Մոսկվայի փիլիսոփայության, գրականության և պատմության ինստիտուտ
Գիտական աստիճան	պատմական գիտությունների դոկտոր և պրոֆեսոր
Մասնագիտություն	պատմաբան
Պարգևներ և ; մրցանակներ	և

Գևորգի Ալեքսեյի Ձիձարիա (1914), աբխազ պատմաբան։ Պատմական գիտությունների դոկտոր (1958), պրոֆեսոր (1961), ՎԽՍՀ ԳԱ թղթակից անդամ (1974)։ ՎԽՍՀ (1961) և Աբխազական ԻԽՍՀ (1964) գիտությունների վաստակավոր գործիչ։

Կենսագրություն խմբագրել

Ավարտել է Մոսկվայի պատմության, փիլիսոփայության և գրականության ինստիտուտը (1936)։ 1939 թվականից աշխատել է ՎԽՍՀ ԳԱ Դ. Գուլիայի անվան լեզվի, գրականության և պատմության աբխազական ինստիտում, 1966 թվականից՝ տնօրեն։

1957-1966 թվականներին եղել է Սուխումի մանկավարժական ինստիտուտի ռեկտոր։ Զիձարիայի աշխատությունները հիմնականում ընդգրկում են Աբխազիայի պատմության նոր և նորագույն շրջանների, մասամբ նաև Վրաստանի և Կովկասի 19-20-րդ դարերում պատմության հարցերը «Աբխազիան 1917-1918 թվականներ» (1946), «Ժողովրդական տնտեսությունը և սոցիալական հարաբերությունները Աբխազիայում 19-րդ դարերում» (1958)։

Անդրադարձել է նաև Թուրքիայից Աբխազիա գաղթած հայերի բնակեցման, զբաղմունքի ու սոցիալ-քաղաքական շարժումներին նրանց մասնակցության հարցերին։ Եղել է նաև Աբխազական ԻԽՍՀ Գերագույն խորհրդի նախագահը, ՎԽՍՀ Կենտկոմի Աբխազական մարզկոմի անդամ։

Պարգևներ խմբագրել

Պարգևատրվել է Աշխատանքային կարմիր դրոշի 2, «Պատվո նշան» շքանշաններով։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 6, էջ 705)։

Սա անձի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։