Գեորգի Դիմիտրովի հուշարձան (Կրասնոդար)
Գեորգի Դիմիտրովի հուշարձան (ռուս.՝ Памятник Георгию Димитрову), հուշարձան Ռուսաստանի Կրասնոդար քաղաքում, որը նվիրված է բուլղարացի պետական և քաղաքական գործիչ, բուլղարական և միջազգային կոմունիստական շարժման գործիչ Գեորգի Դիմիտրովին։ Հուշարձանի հեղինակներն են քանդակագործ Մ. Գեորգիևը և ճարտարապետ Վ. Տ. Գոլովերովը։ Կրասնոդարի երկրամասի «Կրասնոդարի երկրամասի տարածքում գտնվող մշակութային ժառանգության օբյեկտների (պատմության և մշակույթի հուշարձանների) ցանկի» մասին 2000 թվականի օգոստոսի 17-ի թիվ 313-КЗ օրենքի համաձայն՝ դասվել է տարածաշրջանային նշանակության հուշարձանների շարքին[1]։
 | |
|---|---|
 Գեորգի Դիմիտրովի հուշարձանը | |
 | |
 | |
| Տեսակ | հուշարձան |
| Երկիր |  Ռուսաստան |
| Բնակավայր | Կրասնոդար |
| Շինության ձև | Հուշարձան |
| Նյութ | բրոնզ |
| Ներկա վիճակ | Կանգուն |
Պատմություն խմբագրել
Կուբանը երկար տարիներ սերտ հարաբերություններ է պահպանել Բուրգասի օկրուգի հետ, իսկ Կրասնոդարը և Բուրգասը քույր քաղաքներ էին[2]։ Բուլղարացի պետական և քաղաքական գործիչ Գեորգի Դիմիտրովի հուշարձանը բացելու մասին որոշումը կայացվել է Կոմունիստական կուսակցության կենտրոնական կոմիտեում և ԽՍՀՄ նախարարների խորհրդում։ Հուշարձանը բացվել է 1980 թվականի սեպտեմբերի 9-ին՝ Բուլղարիայի ազատագրման 36-ամյակի առթիվ։ Հուշարձանի բացմանը ներկա է եղել բուլղարական պատվիրակությունը[3]։
Տեխնիկական տվյալներ խմբագրել
Հուշարձանի հեղինակներն են քանդակագործ Մ. Գեորգիևը և ճարտարապետ Վ. Տ. Գոլովերովը[4]։
Հուշարձանը պատրաստված է բրոնզից, տեղադրված է մարմարե սալիկներով ոչ բարձր պատվանդանի վրա։
Դիմիտրովը պատկերված է տարեց հասակում, վերնազգեստով՝ կոճակներն արձակած թիկնոցով, կոստյումով և շալվարի փողքերը ներքևից ծալած[3]։
Հուշարձանը տեղադրվել է Կրասնոդարի «Կոսմոս» կինոթատրոնի մոտի հրապարակում։ Կինոթատրոնն այդ պահից ստացավ «Բուլղարիա» անվանումը, իսկ հրապարակը կոչվեց Գեորգի Դիմիտրովի անունով[3]։ Հուշարձանի տարածքը բարեկարգված է։
Ծանոթագրություններ խմբագրել
- ↑ «Памятник Г. Димитрову».
- ↑ «Памятник Георгию Димитрову».
- ↑ 3,0 3,1 3,2 «Памятник Георгию Димитрову в Краснодаре». Արխիվացված է օրիգինալից 2017 թ․ հոկտեմբերի 30-ին. Վերցված է 2018 թ․ մայիսի 28-ին.
- ↑ «Памятник Георгию Димитрову».