Գառնիկ Մանուկյան

Գառնիկ Մանուկյան (հուլիսի 20, 1940(1940-07-20), Նորակերտ, Բասարգեչարի շրջան, Հայկական ԽՍՀ, ԽՍՀՄ - ապրիլի 4, 2021(2021-04-04), Նորակերտ, Գեղարքունիքի մարզ, Հայաստան), հայ բանաստեղծ, արձակագիր։ Հայաստանի գրողների միության անդամ (1984)։

Գառնիկ Մանուկյան
Ծնվել է	հուլիսի 20, 1940(1940-07-20)
Ծննդավայր	Նորակերտ, Բասարգեչարի շրջան, Հայկական ԽՍՀ, ԽՍՀՄ
Վախճանվել է	ապրիլի 4, 2021(2021-04-04) (80 տարեկան)
Վախճանի վայր	Նորակերտ, Գեղարքունիքի մարզ, Հայաստան
Մասնագիտություն	բանաստեղծ և արձակագիր
Քաղաքացիություն	ԽՍՀՄ և  Հայաստան
Կրթություն	Հայկական պետական մանկավարժական համալսարան
Անդամակցություն	ՀԳՄ
Գառնիկ Մանուկյան Վիքիքաղվածքում
Գառնիկ Մանուկյան Վիքիդարանում

Կենսագրություն

Գառնիկ Մանուկյանը ծնվել է 1940 թվականի հուլիսի 20-ին, Վարդենիսի շրջանի Նորակերտ գյուղում (այժմ՝ ՀՀ Գեղարքունիքի մարզ)։ Ավարտել է Երևանի պետական մանկավարժական ինստիտուտի բանասիրական ֆակուլտետը։ Եղել է Նորակերտի դպրոցի տնօրեն, 2006-2011 թվականներին ղեկավարել է Գեղարքունիքի Հայաստանի գրողների միության մարզային բաժանմունքը։ 2009 թվականից դասավանդում է Վարդենիսի Վիկտոր Համբարձումյանի անվան մանկավարժական ինստիտուտում։

Առաջին բանաստեղծությունը հրատարակվել է 1961 թվականին, այնուհետև սկսել է պարբերաբար տպագրվել հանրապետական գրական մամուլում։ Բալլադների և պոեմների, գրքերի հեղինակ է։ Թարգմանվել է ռուսերեն։

Երկեր

• Երկու ճանապարհ (վեպ), Երևան, 2013։
• Իմ աշխարհը. սուրբ սեր (բանաստեղծություններ, պոեմներ), Երևան, 2010։
• Մթնշաղից առաջ (վեպ), Երևան, 2008։
• Խաչված ճակատագիրը (վեպ), Երևան, 2004։
• Ցավի կանչ (բանաստեղծություններ), Երևան, 2001։

Պարգևներ

• ՀԳՄ «Գրական վաստակի համար» մեդալ, 2011
• ՀՀ վարչապետի շնորհակալագիր, 2011
• ՀԳՄ, «Զորավար Անդրանիկ» համազգային միության և «Հայաստան» թերթի գրական մրցանակաբաշխության 1-ին մրցանակ՝ Զորավար Անդրանիկին նվիրված շարքի համար
• «Զորավար Անդրանիկ» համազգային միության մրցանակի ասպետ

Ծանոթագրություններ

Վիքիքաղվածքն ունի նյութեր, որոնք վերաբերում են «Գառնիկ Մանուկյան» հոդվածին։

Վիքիդարանն ունի նյութեր, որոնք վերաբերում են «Գառնիկ Մանուկյան» հոդվածին։