Գայլատու, Գայլատո ծովիկ, Գայլատվա լիճ, Ձկնաբեր ծովակ այժմ՝ Բալըղ-գյոլ (Ձկների լիճ), Բալըք), լիճ Թուրքիայում՝ Հայկական Պար լեռնաշղթայի միջլեռնային տաշտակաձև գոգավորությունում՝ 2247 մ բարձրության վրա (ընկած է այժմյան Թուրքիայի Հանրապետության Արարատի նահանգում (Ağrı il))։ Գտնվում է Սինակ լեռան մոտ։ Ունի տեկտոնահրաբխային ծագում։ Երկարությունը 10 կմ է, մակերեսը՝ մոտ 33 կմ², ջրահավաք ավազանի մակերեսը՝ մոտ 100 կմ²։ Սնումը ձնաանձրևային է։ Ձմռանը սառցակալում է։ Ջուրը քաղցրահամ է, հարուստ ձկներով՝ հատկապես կարմրախայտով։ Լիճը հոսուն է։ Հարավ-արևելքից սկիզբ է առնում Առու (Գայլատու, թուրքերեն Չուխուր) գետակը։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 2, էջ 678)։
