Բրդի ազգային թանգարան (Ջիլոնգ)

Բրդի ազգային թանգարան (անգլ.՝ National Wool Museum), թանգարան, որը պատմում է ավստրալիական բրդի, մանրաթելի և տեքստիլի պատմությունը ժամանակակից ցուցադրություններով, հանրային ծրագրերով և հատուկ միջոցառումներով։

Բրդի ազգային թանգարան
Տեսակթանգարան
Երկիր Ավստրալիա
ՏեղագրությունՋելոնգ
Հիմնադրվել է1988
Կայքnwm.vic.gov.au
Քարտեզ
Քարտեզ

Բրդի ազգային թանգարանը հիմնադրվել է Վիկտորիա նահանգի Ջիլոնգ քաղաքում[1], 1998 թվականին, որպես Ավստրալիական երկուհարյուրամյակի տոնակատարությունների մի մաս։ Տեղակայված լինելով Դենիս Լասելես ՍՊԸ-ի բրդի խանութում, Մուրամուլ 26 հասցեում, Ջիլոնգում, թանգարանը սկսել է իր աշխատանքը որպես Բրդի ազգային կենտրոն և բացվել է Նորին Մեծություն Էլիզաբեթ II թագուհու կողմից 1988 թվականի ապրիլի 14-ին։

Լինելով Վիկտորիայում Երկուհարյուրամյակի նախագծերից ամենանշանակալիներից մեկը` Բրդի ազգային թանգարանը դարձել է մշտապես այցելվող և զբոսաշրջիկների ժամանցի վայր` տեղավորելով երկու մշտական պատկերասրահներ, որոնք պատմում են Ավստրալիայի բրդի պատմության մասին, ինչպես նաև` երկու պատկերասրահներ` նվիրված համաշխարհային դասի ցուցահանդեսներին Ավստրալիայից և ամբողջ աշխարհից։

Ջիլոնգի տարածաշրջանային հանձնաժողովն ստեղծել է 1977 թվականին՝ որպես Վիկտորիայի կառավարության տարածաշրջանային նախագծերի մի մաս և կարևորել է բրդի արդյունաբերությունն առաջ մղելու համար բարձրորակ կենտրոնի ստեղծումը։ Բրդի ազգային կենտրոնի համար առաջարկներ եղել են սկսած 1979 թվականից[2]։

Բրդի ազգային թանգարանը հիմնադրվել է Ջիլոնգի տարածաշրջանային հանձնաժողովի կողմից 1988 թվականին, որպես Ավստրալիայի միակ բազմակողմանի թանգարան` նվիրված բրդի արդյունաբերությանը տեղական, պետական, ազգային և միջազգային մակարդակներում։ Սկզբնապես թանգարանը բաղկացած էր երեք պատկերասրահներից, բուրդ վաճառողների գրասենյակներց և Ջիլոնգի բրդի փոխանակման կետից, որը համալիրի մաս էր։

Հիմա շենքում գտնվում են Բրդի ազգային թանգարանը, Դենիի խոհանոց ռեստորանը և Լամբիս գիշերային ակումբը։

Ծանոթագրություններ խմբագրել

  1. «National Wool Museum».
  2. Geelong Regional Commission, National Wool Centre: minutes and reports Meeting 1979 (Oct.2)-1986 (Dec.9) 2.0405 Deakin University Library

Արտաքին հղումներ խմբագրել