Վիքիպեդիա

Բուենոս Այրեսի մետրոպոլիտեն

Բուենոս Այրեսի մետրոպոլիտեն (իսպ.՝ Subterráneo de Buenos Aires), Արգենտինայի Բուենոս Այրես քաղաքում գտնվող արագընթաց տրանսպորտի համակարգ։ Մետրոպոլիտենի առաջին գիծը (Մայիսյան հրապարակ-Միսերերե հրապարակ), որը բացվեց 1913 թվականի դեկտեմբերի 1-ին, Լատինական Ամերիկայի, Հարավային կիսագնդի և իսպանախոս աշխարհի առաջին մետրոպոլիտենն էր[3]։ Մադրիդի մետրոպոլիտենը բացվեց միայն 5 տարի անց՝ 1919 թվականին[4][5]։

Բուենոս Այրեսի մետրոպոլիտեն
իսպ.՝ Subterráneo de Buenos Aires
Изображение логотипа
Bolivar de noche.jpg
Տեսակմետրոպոլիտեն
ԿառավարիչSubterráneos de Buenos Aires
ԵրկիրFlag of Argentina.svg Արգենտինա
ՔաղաքԲուենոս Այրես
Բացման տարեթիվդեկտեմբերի 1, 1913
Գծերի երկարություն51.4 կմ[1]
58.8 կմ՝ ներառյալ Պրեմետրոն[1]
Երկաթուղագծի լայնություն1435 մմ
Կայարանների քանակ83[1]
100՝ ներառյալ Պրեմետրոն
Գծերի քանակ6[1]
ԳծերLine A?, Line B?, Line C?, Line D?, Line E?, Line H?, PreMetro?, Urquiza Line?, Line F?, Line G? և Line I?
Ուղևորահոսքը մեկ օրում1 միլիոն[2]
buenosaires.gob.ar/subte
Commons-logo.svg Buenos Aires Metro Վիքիպահեստում

ՊատմությունԽմբագրել

Բուենոս Այրեսը ստորգետնյա տրանսպորտի համակարգով զինելու շուրջ քննարկումները սկսվել են 19-րդ դարի վերջից, քանի որ տրամվայները, որոնք գործում էին քաղաքում 1870 թվականից, ծանրաբեռնված էին։

1909 թվականին Բուենոս Այրեսի քաղաքային խորհուրդը պայմանագիր կնքեց Անգլո-Արգենտինական տրամվայների ընկերության հետ՝ որպեսզի առաջիկա 80 տարում մետրոպոլիտենի 3 գիծ շահագործման հանձնվի՝

  • Մայիսյան հրապարակից մինչև Առաջին խունտայի շենք (այժմ՝ A գիծ)
  • Կոնստիտուսիոնից մինչև Ռետիրո (այժմ՝ С գիծ)
  • Մայիսյան հրապարակից մինչև Պալերմո (այժմ՝ D գիծ)

Ընկերությունը կառուցեց միայն մեկ գիծ։ Մետրոպոլիտենի առաջին գիծը, որն անցնում էր Մայիսյան հրապարակից մինչև Միսերերե հրապարակ, բացվեց 1913 թվականի դեկտեմբերի 1-ին։ Մինչև 1914 թվականի ապրիլի 1-ը գիծը կառուցվեց մինչև Ռիո դե Ժանեյրո կայարան, իսկ հուլիսի 1-ը՝ մինչև Առաջին խունտայի շենքը։

1912 թվականին Լակրոսե Էրմանոս ընկերությունն իրավունք ստացավ կառուցել մետրոպոլիտենի 2-րդ գիծը, որն այժմ կոչվում է B գիծ։ Գիծը բացվեց 1930 թվականի հոկտեմբերի 17-ին։

1933 թվականին Հասարակական աշխատանքների և ֆինանսների իսպանաամերիկյան կազմակերպությունը (CHADOPYF) սկսեց մետրոպոլիտենի մնացած գծերի կառուցումը[6]։

1939 թվականից մետրոպոլիտենը Բուենոս Այրեսի Տրանսպորտային կորպորացիայի ենթակայության տակ էր գտնվում, 1952 թվականից՝ Բուենոս Այրեսի Տրանսպորտի գլխավոր վարչության, իսկ 1963 թվականից՝ «Մետրոպոլիտեն Բուենոս Այրես» կազմակերպության[4]։

1994 թվականին այն ժամանակվա նախագահ Կարլոս Սաուլ Մենեմի որոշմամբ՝ մետրոպոլիտենը հանձնվեց Metrovías SA ընկերության իրավասությանը։

ՊատկերասրահԽմբագրել

  • Մետրոպոլիտենի ցանցը 1955 թվականին

  • Մետրոպոլիտենը 1966 թվականին, E գծի կառուցումը

  • Մետրոպոլիտենը 1987 թվականին

  • Մետրոպոլիտենը 2003-2007 թվականներին, կառուցվել է B գիծը

  • Մետրոպոլիտենը 2008 թվականին, բացվել է H գիծը

  • Մետրոպոլիտենը 2010 թվականին, ավարտվել է H գծի կառուցումը

  • Մետրոպոլիտենի զարգացման ծրագիրը՝ A, B, H և E գծերի շարունակությամբ

  • Մետրոպոլիտենի զարգացման երկարաժամկետ ծրագիր

Տես նաևԽմբագրել

ԾանոթագրություններԽմբագրել

  1. ↑ 1,0 1,1 1,2 1,3 «Nuestra compañía - ¿Qué hacemos?» [Our Company - What We Do] (Spanish)։ Metrovias։ Արխիվացված է օրիգինալից 2015 թ․ հուլիսի 16-ին։ Վերցված է 2014 թ․ դեկտեմբերի 10 
  2. ↑ Aumentó un 12% la cantidad de usuarios que usan el subte a diario, La Nacion, 7 May 2015.
  3. ↑ Se cumplieron 100 años del primer viaje en subte Archived 2015-05-25 at the Wayback Machine. - Ambito, 1 December 2013.
  4. ↑ 4,0 4,1 La historia de 100 años del primer subte de América del Sur Archived 2015-09-24 at the Wayback Machine. - Perfil, 1 December 2013.
  5. ↑ Background and Inauguration in 1919 Archived 2018-06-16 at the Wayback Machine. - Metro de Madrid]
  6. ↑ Antecedentes, Inicios, Desarrollo de la red y Líneas Archived 2012-05-20 at the Wayback Machine. (in Spanish). Retrieved 2010-11-03.

Արտաքին հղումներԽմբագրել

Ստացված է «https://hy.wikipedia.org/w/index.php?title=Բուենոս_Այրեսի_մետրոպոլիտեն&oldid=8200454» էջից