Բոկովների քաղաքային դաստակերտ

Բոկովների քաղաքային դաստակերտ
Տեսակ	մեծ առանձնատուն, կալվածք և ճարտարապետական հուշարձան
Երկիր	Ռուսաստան
Տեղագրություն	Tagansky District?
Ճարտարապետական ոճ	կլասիցիզմ
Ճարտարապետ	Դոմենիկո Ժիլյարդի և Աֆանասի Գրիգորև
Ժառանգության կարգավիճակ	Ռուսաստանի դաշնային մշակութային ժառանգության օբյեկտ

Բոկովների քաղաքային դաստակերտ (ռուս.՝ Городская усадьба Боковых), շենք-տեսարժանություն Մոսկվայում։ Գտնվում է Կենտրոնական վարչական օկրուգի Տագանսկի շրջանում։ Հասցեն` Սոլյանկա փողոց, տուն 15։ Ունի մշակութային ժառանգության դաշնային նշանակության օբյեկտի կարգավիճակ (գրանցման համար` 7710785000)^[2]։

Պատմություն խմբագրել

Վաճառական Բոկովների քաղաքային դաստակերտի գլխավոր շենքը կառուցվել 1806-1812 թվականներին` ճարտարապետներ Դոմենիկո Ժիլյարդիի և Աֆանասի Գրիգորևի նախագծով։ Ըստ հեղինակների մտահղացման` առանձնատանը պետք է լինեին երկու տեսակի սենյակներ` բնակելի և տնտեսական^[3]։

Խորհրդային իշխանության տարիներին տարածքը զբաղեցնում էին երկու խանութներ` մթերային և գինու։ 1990-ական թվականներին երկու խանութներն էլ փակվեցին և տունը վերակառուցեցին` նրան վերադարձնելով սկզբնական տեսքը^[3]։

Ճարտարապետություն խմբագրել

Շենքի ճարտարապետներն են Մոսկվայում աշխատած շվեյցարացի Դոմենիկո Ժիլյարդին (ռուսականացված անունը` Դեմենտի Իվանովիչ Ժիլյարդի, 1785-1845) և մոսկովյան ամպիրի առաջատար ճարտարապետ Աֆանասի Գրիգորևը (1782-1868)։ Տունը բաղկացած է երկու հարկից, նկուղներից, փողոցի կողմից եղել են վերին կիսահարկեր։ Շենքը կառուցված է կլասիցիզմի ոճով. առկա է միջնահարկ։ Վերակառուցումից հետո առանձնատան պատերը զարդարվել են ծեփվածներով, որոնք սովորաբար օգտագործվում էին Կիտայ-գորոդի պատմական շենքերը զարդարելիս^[3]^[4]։