Ռաուլ Բոբադիլիա
Ռաուլ Մարսելո Բոբադիլիա (իսպ՝.Raúl Marcelo Bobadilla, հունիսի 18, 1987[1][2], Բուենոս Այրես, Արգենտինա), արգենտինացի անվանի ֆուտբոլիստ։
 ռուս.՝ Raúl Bobadilla | |||
|---|---|---|---|
 | |||
| Քաղաքացիությունը |
 Արգենտինա | ||
| Ծննդյան ամսաթիվ | հունիսի 18, 1987[1][2] (36 տարեկան) | ||
| Ծննդավայր | Բուենոս Այրես, Արգենտինա | ||
| Հասակ | 180 սանտիմետր | ||
| Քաշ | 82 կիլոգրամ | ||
| Դիրք | հարձակվող | ||
|
| |||
|
| |||
|
| |||
|
| |||
|
| |||
Կարիերան խմբագրել
Ռաուլ Բոբադիլիան արգենտինական «Ռիվեր փլեյթ» ֆուտբոլային համբավավոր ակումբի այն շնորհալի սաներից է եղել, ով կարողացել է հայրենի ակումբին հրաժեշտ տալուց հետո հաջող կարիերա անել։ Նա մինչև 2006 թվականը խաղացել է «Ռիվեր փլեյթ»-ում, ապա գործարք է կնքել շվեյցարական Չելենջ լիգայում հանդես եկող «Կոնկորդիա» ակումբի հետ, միանգամից իր հաստատուն տեղը գտել այդ թիմի հիմնական կազում, դարձել լավագույն խաղացողներից մեկը. մեկ տարեշրջանում մասնակցել է 28 խաղի և խփել 18 գոլ։
Շնորհալի, խոստումնալից պատանին իր արդյունավետ խաղով գրավել է շվեյցարական ավելի ուժեղ ակումբների ղեկավարների ուշադրությունը, որոնք լավ պայմաններով գործարքներ են առաջարկել նրան։ 2007 թվականին Ռաուլը գործարք է կնքել «Գրասհոփեր»-ի հետ, որի կազմում հանդես է եկել երկու տարեշրջան, մասնակցել 47 հանդիպման, դարձել 26 գոլի հեղինակ;
2009 թվականի աշնանային տարեշրջանից Բոբադիլիան սկսել է հանդես գալ գերմանական Մյոնխենգլադբախ քաղաքի «Բորուսիա» ակումի թիմում, որը այդ երկրի ֆուտբոլի բարձրագույն խմբի՝ բունդեսլիգայի առաջնությանն է մասնակցում։ Սակայն, ցավոք, հենց առաջին խաղերից մեկի՝ «Հաննովեր-96» թիմի հետ հանդիպման ժամանակ շատ կոպիտ խախտում է թույլ տվել, զրկվել հինգ խաղի մասնակցության հնարավորությունից, տուգանվել հիսուն հազար եվրոյով[3].: Այնուհանդերձ, այդ տարեշրջանում մասնակցել է երեսուն խաղի, բայց դիպուկությամբ առանձնապես աչքի չի ընկել. խփել է ընդամենը չորս գոլ;
2012 թվականի ամռանը Ռաուլը տեղափոխվել է շվեյցարական «Յանգ բոյզ»։ Այդ նույն տարվա հոկտեմբերի 25-ին Եվրոպայի լիգայի գավաթի խաղարկության երրորդ մրցախաղում՝ իտալական «Ուդինեզե» թիմի հետ հանդիպման ժամանակ նա հիթ-տրիկի՝ երեք գոլի հեղինակ է դարձել՝ օգնելով իր նոր թիմին՝ խմբում տանելու առաջին հաղթանակը[4]
2013 թվականի հունվարի 3-ին Ռաուլ Բոբադիլիան տեղափոխվել է շվեյցարական «Բազել», իսկ այդ նույն տարվա օգոստոսի 15-ին՝ գերմանական «Աուգսբուրգ»[5]:.2014/2015 տարեշրջանում նա դարձել է «Աուգսբուրգ»-ի լավագույն գոլահարը՝ խփելով 10 գոլ։ Չորս տարի «Աուգսբուրգ»-ում խաղալուց հետո՝ 2017 թվականի օգոստոսի 17-ին վերադարձել է Մյոնխենգլադբախի «Բորուսիա», որտեղ հանդես է եկել ևս մեկ տարեշրջան, այնուհետև տեղափոխվել է Արգենտինա, ընդգրկվել «Արխենտինիոս խունիորս» թիմի կազմում։
Նվաճումները խմբագրել
Շվեյցարիայի սուպերլիգայի չեմպիոն - 1 անգամ՝ 2012/2013 տարեշրջանում
Շվեյցարիայի ֆուտբոլի գավաթի խաղարկության հաղթող - 1 անգամ՝ 2012/2013 տարեշրջանում
Ծանոթագրություններ խմբագրել
- ↑ 1,0 1,1 Transfermarkt.com(բազմ․) — 2000.
- ↑ 2,0 2,1 Արգենտինական ֆուտբոլի տվյալների շտեմարան (իսպ.)
- ↑ «Бобадилья раскаивается в том, что дал волю эмоциям». Արխիվացված է օրիգինալից 2010 թ․ դեկտեմբերի 13-ին. Վերցված է 2018 թ․ հուլիսի 23-ին.
- ↑ Видеообзор матча Лиги Европы "Янг Бойз" — "Удинезе"
- ↑ «Raúl Bobadilla wechselt zu Augsburg». Արխիվացված է օրիգինալից 2013 թ․ դեկտեմբերի 20-ին. Վերցված է 2018 թ․ հուլիսի 23-ին.
Արտաքին հղումներ խմբագրել
- «Профиль на официальном сайте «Боруссии» Мёнхенгладбах» (գերմաներեն). Borussia.de. Արխիվացված է օրիգինալից 2012 թ․ մայիսի 5-ին. Վերցված է 2010 թ․ օգոստոսի 3-ին.
- «Профиль футболиста» (գերմաներեն). Fussballdaten.de. Արխիվացված է օրիգինալից 2012 թ․ մայիսի 5-ին. Վերցված է 2010 թ․ օգոստոսի 3-ին.
- Պրոֆիլը transfermarkt.com կայքում(անգլ.)
- «Профиль футболиста» (գերմաներեն). Kicker.de. Արխիվացված է օրիգինալից 2012 թ․ մայիսի 5-ին. Վերցված է 2010 թ․ օգոստոսի 3-ին.
- Ֆուտբոլիստի էջը soccerway.com կայքում(անգլ.)
- Վիճակագրությունը National Football Teams կայքում(անգլ.)
 | Վիքիպահեստն ունի նյութեր, որոնք վերաբերում են «Ռաուլ Բոբադիլիա» հոդվածին։ |