Բլրակ (Բաբերդի գավառ)

Բլրակ, գյուղ Բարձր Հայքի Բաբերդ գավառում, իսկ ապա Արևմտյան Հայաստանում, Էրզրումի վիլայեթի Բաբերդի գավառակում։ Գտնվում էր Բաբերդ քաղաքից 17 կմ արևմուտք, Բալախոռի դաշտում, Ճորոխ գետի ձախ ափին։

Գյուղ
Բլրակ
Վարչական տարածք	Արևմտյան Հայաստան
Վիլայեթ	Էրզրումի վիլայեթԷրզրումի վիլայեթ
Գավառակ	Բաբերդի գավառակ
Այլ անվանումներ	Բլուր, Բլուրակ, Պլուր, Պլուրակ, Պուլուր
Պաշտոնական լեզու	Հայերեն
Ազգային կազմ	Հայեր (մինչև Մեծ եղեռնը)
Կրոնական կազմ	Քրիստոնյա (մինչև Մեծ եղեռնը)
Ժամային գոտի	UTC+3
Բլրակ (Բաբերդի գավառ) (Աշխարհ)

Կլիմա

Գյուղն ունի առողջարար օդ։ Ձմեռները ցրտաշունչ են։

Պատմություն

Բնակիչները բռնությամբ տեղահանվել են, իսկ գյուղն ավերվել է 1915 թվականի Մեծ եղեռնի ժամանակ։

Բնակչություն

Նախկինում եղել է մարդաշատ ու շեն գյուղ։ XIX դարի սկզբներին ուներ 700 տուն բնակիչ։ XX դարի սկզբին ուներ 35 տուն բնակիչ։

Տնտեսություն

Հողերը բարեբեր են։ Բնակչության հիմնական զբաղմունքը անասնապահություն, երկրագործություն և արհեստներն էր։

Պատմամշակութային կառույցներ

Բլրակն ուներ Ս. Աստվածածին անունով եկեղեցի, որը կառուցված է 1864 թվականին։ Գյուղն ունեցել է հունական թաղամաս, որն ունեցել է հունական եկեղեցի։ Վերջինիս ավերակները գտնվում էին Հառոմի ժամատուն կոչված վայրում։

Գյուղի մոտ էին գտնվում Ս. Կյուրակե անունով բուժիչ աղբյուրը և Ս. Խաչ կոչվող վայրը, որտեղ ըստ ենթադրությունների գտնվում էր հին Բլրակ գյուղը։

Կրթություն

Գյուղն ուներ Ներսիսյան վարժարան, որտեղ սովորում էին 65 աշակերտներ։

Տես նաև

• Էրզրումի նահանգի հայաբնակ բնակավայրեր

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 2, էջ 455)։