Բաբկեն Չուգասզյան
Բաբկեն Լևոնի Չուգասզյան (մարտի 18, 1923, Թավրիզ, Իրան - նոյեմբերի 5, 1997, Երևան, Հայաստան), բանասեր-արևելագետ։ Բանասիրական գիտությունների թեկնածու (1962)։ Հայկական ԽՍՀ մշակույթի վաստակավոր գործիչ (1984)։
Բաբկեն Չուգասզյան | |
---|---|
Ծնվել է | մարտի 18, 1923 |
Ծննդավայր | Թավրիզ, Իրան |
Մահացել է | նոյեմբերի 5, 1997 (74 տարեկան) |
Մահվան վայր | Երևան, Հայաստան |
Քաղաքացիություն | ԽՍՀՄ և Հայաստան |
Կրթություն | Երևանի պետական համալսարան (1951) |
Գիտական աստիճան | բանասիրական գիտությունների թեկնածու (1962) |
Մասնագիտություն | բանասեր և արևելագետ |
Աշխատավայր | Երևանի պետական համալսարան և Մատենադարան |
Պարգևներ և մրցանակներ | |
Երեխաներ | Լևոն Չուգասզյան |
Լևոն և Գարեգին Չուգասզյանների հայրը։
Կենսագրություն խմբագրել
Բաբկեն Չուգասզյանը ծնվել է Թավրիզում։ 1951 թվականին ավարտել է Երևանի պետական համալսարանը։ 1955-1958 թվականներին աշխատել է ԵՊՀ հրատարակչությունում, 1965-1997 թվականներին՝ Մատենադարանում, 1965-1994 թվականներին՝ փոխտնօրեն։
Բաբկեն Չուգասզյանի ուսումնասիրությունները վերաբերում են հայ-իրանական առնչություններին, պարսկերեն գրականությանը («Հայ-իրանական գրական առնչություններ (V-XVIII դդ.)», 1963, «Խրատք Նուշիրուանի», 1966), նորահայտ բնագրերի հայտնաբերման ու հրատարակության խնդիրներին (Հովհաննես Սեբաստացի, «Պատմութիւն Սեբաստիոյ», 1974, XIII դ. «Բժշկարան ձիոյ եւ առհասարակ գրաստնոյ», 1980, «Գեորգ Դպիր Պալատեցու կյանքի և գործունեության տարեգրություն, 1737-1811», 1994)։ Հեղինակ է նաև «Հայրենադարձ իրանահայ դեմքեր» (1997) կենսագրական բառարանի[1][2]։
Ծանոթագրություններ խմբագրել
- ↑ Ով ով է. Հայեր. Կենսագրական հանրագիտարան, հատոր երկրորդ, Երևան, 2007.
- ↑ «Հայաստանի ազգային ագրարային համալսարանի գրադարան քարտարան › Փնտրման արդյունքներ for 'au:Չուգասզյան, Բաբկեն Լևոնի,'». koha.anau.am. Վերցված է 2016 թ․ հուլիսի 28-ին.(չաշխատող հղում)
Արտաքին հղումներ խմբագրել
Վիքիդարանն ունի նյութեր, որոնք վերաբերում են «Բաբկեն Չուգասզյան» հոդվածին։ |