Ա․ Գևորգյանի տուն (Կոնդ)
Ա. Գևորգյանի տուն, բնակելի տուն, որ գտնվել է Երևանի Կոնդ թաղամասում։ Տեղակայված է եղել փողոցի կարմիր գծի վրա։ Եղել է մեկհարկանի շենք՝ բաղկացած նկուղից։
 | |
|---|---|
| Տեսակ | կառույց և բնակելի տուն |
| Երկիր |  Հայաստան |
| Տեղագրություն | Երևան |
| Վայր | Կոնդ |
Շինություն խմբագրել
Շենքի կենտրոնական մասը եղել է ուղղանկյուն, գտնվել է հյուսիս-հարավ առանցքում։ Բնակելի սենյակները, որոնք բարձրացված են եղել հողի մակարդակից միջինը երեք մետր, ուղղված էին դեպի արևելք, հյուսիս և արևմուտք։ Պատկերասրահից սկսվող երկու մուտքերը տարել են առջևի սենյակներ, որտեղից բացվում էր բնակելի տարածք տանող դռները։ Նկուղային հարկը զբաղեցրել է քարապատ չորս սենյակները[1]։
Կառուցված է եղել հում աղյուսից, կառույցի առանձին հատվածներ ամրակցված էին թրծված աղյուսով։ Արտաքին ճակատային մասի ճարտարապետական լուծումները պարզ էին և միևնույն ժամանակ կառույցի գեղարվեստականորեն արտահայտիչ տեսքը որոշում է առկա ճարտարապետական տարրերի ներդաշնակ համադրությունը։ Դրանք են ուղղանկյուն պատուհանները, որոնք միմյանց են միացել ուղիղ կամարաշարքով, որոնք փայլեցված պատերի ֆոնին առանձնանում էին խիստ ընդգծված այրված աղյուսի գույնով։
Օժանդակ շինություններ և բակ խմբագրել
Օժանդակ կառույցներն առանձնացված էին բակաշենքում. այն գտնվել է գլխավոր շենքից դեպի արևմուտք, որոշակի հեռավորության վրա, հավասար է պատշգամբի լայնությանը։
Բակի կողմից, հյուսիսից և հարավից կառույցը շրջապատված է եղել պատկերասրահով, որը տարածքի տարբեր մասեր կապել է միմյանց, և միաժամանակ առանձնացրել բնակելի տարածքն օժանդակից։ Բացի այդ, պատշգամբը բնակարանը պաշտպանել է արևի այրող ճառագայթներից։ Տան աջ կողմին կցված էր սև տուֆից կառուցված դարպաս։
Բակում ավանդական կոլորիտ են ստեղծել փայտե երկշարք պատշգամբները։
Ցարսկայա փողոցում գտնվող Գ. Մարկարյանցի և Ս. Աստվածատուրյանի տներն իրավամբ կարող են համարվել բնակելի տների առաջին օրինակներ, որոնք նախագծվել ու կառուցվել են նախագծման նոր կանոններով[2]։
Ծանոթագրություններ խմբագրել
- ↑ Мариетта Гаспарян, Архитектура Еревана XIX - начала XX века, Ереван, «Ушардзан», 2008, էջ 69 — 262 էջ. — 200 հատ, ISBN 978-99930-865-6-7։
- ↑ Նույն տեղում, էջ 70