Արտո Զիլֆյան

Վիքիպեդիայում կան հոդվածներ Զիլֆյան ազգանունով այլ մարդկանց մասին։

Արտո Վրեժի Զիլֆյան (մայիսի 9, 1944(1944-05-09), Երևան, Հայկական ԽՍՀ, ԽՍՀՄ), հայ բժիշկ, ախտաբան-ֆիզիոլոգ, ախտաբան-անատոմ։ Բժշկական գիտությունների դոկտոր (1988), պրոֆեսոր (1989)։

Արտո Զիլֆյան
Ծնվել է	մայիսի 9, 1944(1944-05-09) (79 տարեկան)
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	ԽՍՀՄ և  Հայաստան
Կրթություն	Երևանի Մխիթար Հերացու անվան Պետական Բժշկական Համալսարան (1967)
Մասնագիտություն	ախտաբան, ֆիզիոլոգ և ախտաբան-անատոմ
Կոչում	պրոֆեսոր
Գիտական աստիճան	բժշկական գիտությունների դոկտոր (1988)
Աշխատավայր	Երևանի Մխիթար Հերացու անվան Պետական Բժշկական Համալսարան
Ծնողներ	հայր՝ Վրեժ Զիլֆյան, մայր՝ Վարվառա Ալեքսանյան
Պարգևներ	և Հայաստանի Հանրապետության գիտության վաստակավոր գործիչ

Կենսագրություն

1967 թվականին ավարտել է Երևանի բժշկական ինստիտուտը։ 1970 թվականից աշխատել է ԵԲԻ ԳՀ կենտրոնում, 1984-2004 թվականներին եղել է տնօրեն, 1993-2004 թվականներին՝ ԵԲՀ պրոռեկտոր։ 1985 թվականին եղել է «Բժշկագիտությունը Հայաստանում» հանդեսի գլխավոր խմբագրի տեղակալը։

Ղեկավարում է «Լիմֆոցիտներ և հարմարվողական համախտանիշ» գիտական ուղղությունը, որն ուսումնասիրում է հարմարվողական համախտանիշի ձևավորման գործում նոր ներծին գործոնների՝ ուրցագեղձի լիմֆոցիտների կենսագործունեության նյութերի կարգավորող դերը և այդ նյութերի հիմքի վրա անոթաակտիվ և հարմարվողական ազդեցության պատրաստուկների ստեղծման հնարավորությունը։

Պարգևներ և կոչումներ

• ՀՀ կրթության և գիտության նախարարության հուշամեդալ
• ԵՊԲՀ ոսկե մեդալ
• ՀՀ ՊՆ «Վազգեն Սարգսյան» մեդալ
• ՀՀ առողջապահության նախարարության պատվոգրեր
• Հայաստանի Հանրապետության գիտության վաստակավոր գործիչ (2014 թ.)

Ընտանիք

• Պապը՝ Արտո Ալեքսանյան, համաճարակաբան
• Հայրը՝ Վրեժ Զիլֆյան, ուռուցքաբան
• Մայրը՝ Վարվառա Ալեքսանյան, համաճարակաբան
• Քույրը՝ Մարգարիտա Զիլֆյան, բժշկական գիտությունների թեկնածու
• Որդին՝ Արտաշես Արտոյի Զիլֆյան, ակնաբույժ

Երկեր

• Կենսաբանական ակտիվ նյութերի դերը օրգանիզմի ինտեգրատիվ գործունեության մեջ նորմայում և ընդհանուր հարմարողական համախտանիշի ձևավորման ընթացքում։ Միջազգային գիտաժողովի նյութերը = The Role of the Biologiacally Active Substances in the Integrative Activity of the Organism in Normal Conditions and in the Process of Adaptative Syndrome Formation: Թողարկում 1, Հակոբյան Վիլեն Պարույրի, Զիլֆյան Արտո Վրեժի, Երևանի Հերացու անվան պետական բժշկական համալսարան, Երևան, Մ. Հերացու անվան Երևանի բժշկական համալսարան, 2003։
• Կենսաբանական ակտիվ նյութերի դերը օրգանիզմի ինտեգրատիվ գործունեության մեջ նորմայում և ընդհանուր հարմարողական համախտանիշի ձևավորման ընթացքում։ Միջազգային գիտաժողովի նյութերը = The Role of the Biologiacally Active Substances in the Integrative Activity of the Organism in Normal Conditions and in the Process of Adaptative Syndrome Formation: Թողարկում 2, Հակոբյան Վիլեն Պարույրի, Զիլֆյան Արտո Վրեժի, Երևան, Մ. Հերացու անվան Երևանի բժշկական համալսարան, 2004։

Ծանոթագրություններ

Վիքիդարանն ունի նյութեր, որոնք վերաբերում են «Արտո Զիլֆյան» հոդվածին։