Արտյոմ Մարկոսյան
- Վիքիպեդիայում կան հոդվածներ Մարկոսյան ազգանունով այլ մարդկանց մասին։
Արտյոմ Արմենի Մարկոսյան (հունիսի 21, 1975, Երևան, Հայկական ԽՍՀ, ԽՍՀՄ), հայ դերասան, սցենարիստ, հաղորդավար, ռեժիսոր, պրոդյուսեր[1][2]։
 | |
|---|---|
| Ծնվել է | հունիսի 21, 1975 (48 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Կրթություն | Երևանի պետական համալսարան (1997) |
| Քաղաքացիություն |  Հայաստան |
| Մասնագիտություն | հաղորդավար, դերասան, պրոդյուսեր, սցենարիստ և ռեժիսոր |
Կենսագրություն խմբագրել
Արտյոմ Մարկոսյանը ծնվել է 1975 թվականի հունիսի 21-ին, Երևանում։ 1997 թվականին ավարտել է Երևանի պետական համալսարանի միջազգային հարաբերությունների ֆակուլտետը։ 1992-1994 թվականներին եղել է ՈւՀԱ (КВН) թիմի անդամ և առաջատար մասնակիցներից մեկը։ 1997-1999 թվականներին ծառայել է ՀՀ զինված ուժերում։ 1999-2001 թվականներին աշխատել է Հայաստանի ազգային հեռուստաընկերությունում, որտեղ հեղինակել և վարել է «Զսպանակ» հաղորդումը։ 2001-2011 թվականներին աշխատել է «Արմենիա» հեռուստաընկերությունում։ Որպես հաղորդավար, դերասան, սցենարիստ հանդես է եկել մի շարք նախագծերում, հաղորդումներում` «Բեռնարդ շոու», «Կախարդական գիշերներ», «Բարև, ես եմ», «Ֆուրորե» և այլն։ 2011-2014 թվականներին աշխատել է Հայկական երկրորդ հեռուստաալիքում, որտեղ հեղինակել և վարել է «Երևանի գիշերներում», «Բարի լույս, Հայաստան», «Երկու տարբերակ», «Լավագույններից լավագույնը» նախագծերը։ «Русское радио»-ում հեղինակել և վարել է՝ «Է՞ս էիք ուզում» հաղորդումը, որն արժանացել է լավագուն հումորային հաղորդում մրցանակին։ Եղել է մի շարք պետական և մասնավոր միջոցառումների պրոդյուսերն ու բեմադրող ռեժիսորը։ 2011 թվականին Լոս Անջելեսում և 2012 թվականին Մոսկվայում արժանացել է «Արմենիան Քոմեդի» մրցանակաբաշխության մրցանակների` որպես «Լավագույն բազմաժանր դերասան» և «Լավագույն հումորային հաղորդում»[2]։
Թատերագրություն խմբագրել
«Մեկը վերևից» մոնոներկայացման հեղինակ (2017)։
Ֆիլմագրություն խմբագրել
Որպես համահեղինակ, դերասան և սցենարիստ մասնակցել է «Վերջին կանգառ» (2000), «7.5» (2006) և «7.5» 2 (2007) հումորային ներկայացումներին։ Նկարահանվել է «Չգրված օրենք» (2002), «Նոր տարվա կինո» (2009) և «Վերջին մոհիկյանը» (2015) ֆիլմերում[2]։