Արմեն Գյոզալյան
Արմեն Գյոզալյան (հունիսի 16, 1977, Տեղ, Գորիսի շրջան, Հայկական ԽՍՀ, ԽՍՀՄ), հայ ռազմական գործիչ, գեներալ-մայոր, Հայաստանի զինված ուժերի Հատուկ բանակային կորպուսի հրամանատար[1]։
| Արմեն Գյոզալյան | |
|---|---|
| հունիսի 16, 1977 (47 տարեկան) - | |
| Ծննդավայր | Տեղ, Գորիսի շրջան, Հայկական ԽՍՀ, ԽՍՀՄ |
| Քաղաքացիություն |  Հայաստան |
Կրթություն
խմբագրել1984-1994 թվականներին սովորել է Գորիսի թիվ 3 միջնակարգ դպրոցում,
1994-1998 թվականներին սովորել է Հայաստանի պետական ճարտարագիտական համալսարանում,
2011-2012 թվականներին սովորել և գերազանցությամբ ավարտել է ՌԴ ԶՈւ համազորային ակադեմիան։
Ռազմական կարիերա
խմբագրել1998 թվականին զորակոչվել է ՀՀ զինված ուժեր։ 2000-2002 թվականներին զբաղեցրել է տարբեր ղեկավար պաշտոններ, 2015-2020 թվականներին զբաղեցրել է տարբեր զորամասերի հրամանատարի պաշտոններ։
2021 թվականին ՀՀ նախագահի հրամանագրով նշանակվել է հատուկ բանակային կորպուսի շտաբի պետ-կորպուսի հրամանատարի տեղակալ։
2022 թվականի փետրվարի 24-ին ՀՀ նախագահի հրամանագրով նշանակվել է ՀՀ ԶՈՒ ԳՇ օպերատիվ գլխավոր վարչության պետ-ՀՀ ԶՈՒ ԳՇ պետի տեղակալի պաշտոնում։
2023 թվականի փետրվարի 1-ին ՀՀ նախագահի հրամանագրով նշանակվել է Հատուկ բանակային կորպուսի հրամանատար[2]։
Կոչումներ
խմբագրել2023 թվականի հուլիսի 5-ին Հայաստանի նախագահի հրամանագրով Արմեն Գյոզալյանին շնորհվել է գեներալ-մայորի զինվորական կոչում[3]։
Պարգևներ
խմբագրելՊագևատրվել է «Մարտական խաչ» 2-րդ աստիճանի շքանշանով, Արցախի Հանրապետության «Արիության համար», Հայաստանի «Մարտական ծառայության», Արցախի «Մարտական ծառայության», Պաշտպանության նախարարության «Մարշալ Բաղրամյան», «Գարեգին Նժդեհ», «Վազգեն Սարգսյան», «Անդրանիկ Օզանյան» «Դրաստամատ Կանայան», «Անբասիր ծառայության համար» 1-ին, 2-րդ, 3-րդ, 4-րդ աստիճանի գերատեսչական մեդալներով, Արցախի Հանրապետության «Մայրական երախտագիտություն» և այլ մեդալներով։
Ընտանիք
խմբագրելԱմուսնացած է, ունի երկու երեխա[4]։
Ծանոթագրություններ
խմբագրել- ↑ «Էդվարդ Ասրյանին շնորհվել է գեներալ-լեյտենանտի զինվորական կոչում».
- ↑ «Արմեն Գյոզալյանը նշանակվել է Հատուկ բանակային կորպուսի հրամանատար». www.1lurer.am. 2023 թ․ փետրվարի 1. Վերցված է 2023 թ․ հուլիսի 5-ին.
- ↑ LLC, Helix Consulting. «Էդվարդ Ասրյանին, Արմեն Գյոզալյանին, Գոռ Նիկոյանին, Կարեն Գրիգորյանին, Գարեգին Պողոսյանին նոր կոչումներ են շնորհվել - Այսօր` թարմ լուրեր Հայաստանից». www.aysor.am (անգլերեն). Վերցված է 2023 թ․ հուլիսի 5-ին.
- ↑ content. «ՀՀ ՊՆ - Արմեն Գյոզալյան». www.mil.am. Վերցված է 2023 թ․ հուլիսի 5-ին.