Արթուր Մկրտչյան (իրավաբան)
Անվան այլ կիրառումների համար տե՛ս՝ Արթուր Մկրտչյան (այլ կիրառումներ)- Վիքիպեդիայում կան հոդվածներ Մկրտչյան ազգանունով այլ մարդկանց մասին։
Արթուր Միշայի Մկրտչյան (հուլիսի 11, 1957, Երևան, Հայկական ԽՍՀ, ԽՍՀՄ), հայ իրավաբան, Երևանի Մալաթիա-Սեբաստիա վարչական շրջանի ընդհանուր իրավասության դատարանի դատավոր։
| Արթուր Մկրտչյան | |
|---|---|
| Ծնվել է | հուլիսի 11, 1957 (66 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Քաղաքացիություն |  Հայաստան |
| Կրթություն | ԵՊՀ իրավաբանական ֆակուլտետ |
Կրթություն խմբագրել
- 1985 թ. ավարտել է ԵՊՀ իրավաբանական ֆակուլտետը։
Աշխատանքային գործունեությունը խմբագրել
- 1975-1977 թթ. - ծառայել է Խորհրդային բանակում։
- 1985-1992 թթ. - «Էլեկտրոնիկա» ֆիրմային խանութ-սրահի իրավախորհրդատու։
- 1993-1995 թթ. - ՀՀ մաքսային վարչության Արարատյան տարածաշրջանային մաքսատան օպերատիվ տեսուչ, ապա՝ բեռնային փոխադրումների բաժնի պետ։
- 1995-1996 թթ. - «Հայարդտրանս» պետական ձեռնարկության բեռնափոխադրումների բաժնի պետ։
- 1996-1998 թթ. - ՀՀ պաշտպանության նախարարության ռազմական ոստիկանության վարչության քննիչ։
- 1998 թ. - Հարկային պետական ծառայության Երևանի Սպանդարյանի շրջանի տարածքային բաժնի իրավաբանական բաժնի պետ։
- 1998-2000 թթ. - ՀՀ Նախագահի աշխատակազմի վերահսկողական ծառայության առաջատար մասնագետ։
- 2000-2002 թթ. - ՀՀ պետական գույքի կառավարման նախարարության աշխատակազմի ղեկավար։
- 2002-2004 թթ. - ՀՀ պետական գույքի կառավարման նախարարության պայմանագրային պարտավորությունների կատարման վերահսկման վարչության պետ։
- 2004-2005 թթ. - ՀՀ ԿԱ Պետական գույքի կառավարման վարչության պետի խորհրդական։
- 2005-2007 թթ. - զբաղվել է փաստաբանական գործունեությամբ, հանդիսացել ՀՀ փաստաբանների պալատի անդամ։
- 2007-2008 թթ. - ՀՀ արդարադատության նախարարի օգնական։
- 2008-2010 թթ. - ՀՀ արդարադատության նախարարության աշխատակազմի իրավաբանական անձանց պետական ռեգիստրի գործակալության Նորք-Մարաշ տարածքային բաժնի պետ։
- 2010 թ. մայիսի 31-ին ՀՀ Նախագահի հրամանագրով նշանակվել է Երևան քաղաքի Մալաթիա-Սեբաստիա վարչական շրջանի ընդհանուր իրավասության առաջին ատյանի դատարանի դատավոր[1]։