Արբիտրաժի և հաշտարարության հայաստանյան կենտրոն
«Արբիտրաժի և հաշտարարության հայաստանյան կենտրոն» հիմնադրամ (անգլ.՝ Arbitration and Mediation Center of Armenia[փա՞ստ]), հիմնադրամի կարգավիճակով գործող կազմակերպություն Հայաստանի Հանրապետությունում, որն իրականացնում է արբիտրաժային և հաշտարարական գործունեություն Հայաստանում[1][2][3]։ Հիմնադրվել է 2023 թվականին՝ Հայկական բարեգործական ընդհանուր միության, Հայ իրավաբանական միության և Հայաստանի Արդարադատության նախարարության «Օրենսդրության զարգացման կենտրոն» հիմնադրամի կողմից։
| Արբիտրաժի և հաշտարարության հայաստանյան կենտրոն | |
|---|---|
 | |
| Հապավում | AMCA («Arbitration and Mediation Center of Armenia») |
| Կարգախոս | «Վեճերի լուծման Ձեր գործընկերը» |
| Հիմնադրված | 2023 թվական |
| Իրավ. կարգավիճակ | հիմնադրամ |
| Նպատակներ | վեճերի այլընտրանքային լուծում |
| Գլխադասային գրասենյակ | Երևան, Արշակունյաց պողոտա 51, բնակելի տարածք 47[1] |
| Տեղագրություն |  Երևան, Հայաստան |
| Տարածաշրջան | Արևելյան Եվրոպա |
| Պաշտ. լեզու(ներ) | հայերեն և անգլերեն |
| Գլխավոր քարտուղար | Տաթևիկ Մատինյան |
Հանդիսանում է Հայաստանի հիմնական ինստիտուցիոնալ արբիտրաժային հաստատությունը, որն իրականացնում է վեճերի լուծում ինչպես միջազգային, այնպես էլ տեղական գործերով[փա՞ստ]։ Կենտրոնի հիմնական նպատակը վեճերի այլընտրանքային լուծման եղանակների՝ արբիտրաժի և հաշտարարության իրականացման միջոցով դատական համակարգի ծանրաբեռնվածության թոթափումն ու Հայաստանի ներդրումային միջավայրի բարելավումն է։ «Արբիտրաժի և հաշտարարության հայաստանյան կենտրոն» հիմնադրամում կարող է լուծվել ցանկացած առևտրային վեճ և այլ վեճ, որի արբիտրաժի միջոցով լուծումը սահմանված է օրենքով[փա՞ստ]։
Կենտրոնը հիմնադրման տարում գրանցել է առաջին հաշտարարության գործը[փա՞ստ]։ Կենտրոնում Հայաստանում առաջին անգամ իրականացվել են համահաշտարարության և միջազգային տարրով ծանրաբեռնված հաշտարարության գործեր[փա՞ստ]։
Պատմություն
խմբագրել«Արբիտրաժի և հաշտարարության հայաստանյան կենտրոն» հիմնադրամի պատմությունը սկիզբ է առնում Հայաստանում դատաիրավական բարեփոխումների 2019-2023 թվականների ռազմավարությունից, որով նախատեսվել էր Արբիտրաժի և հաշտարարության կենտրոնի ստեղծում՝ ապահովելով տեղական և միջազգային վեճերի լուծումը[փա՞ստ]։ Արբիտրաժի և հաշտարարության ինստիտուցիոնալ կենտրոն ստեղծելու կարևորությունը ընդգծված է նաև ՀՀ կառավարության 2021-2026 թվականների ռազմավարության մեջ[փա՞ստ]։
Կենտրոնի հիմնադրման ընթացքում մասնագիտական խորհրդատվություն և օգնություն ստանալու նպատակով 2021 թվականին ստեղծվել էր Խորհրդատվական հանձնաժողով, որը կազմված էր տեղական և միջազգային հայտնի և ականավոր փորձագետներից[փա՞ստ]։
2023 թվականի մայիսին ստորագրվեց «Արբիտրաժի և հաշտարարության հայաստանյան կենտրոն» հիմնադրամի ստեղծումն ազդարարող որոշումը, որը ստորագրվեց «Օրենսդրության զարգացման կենտրոն» հիմնադրամի, Հայկական բարեգործական ընդհանուր միության և Հայ իրավաբանական միության հիմնադիրների ներկայացուցիչների կողմից[փա՞ստ]։
Կենտրոնի գործունեության համար ֆինանսական աջակցությունը տրամադրվում է ԵՄ բյուջետային աջակցությամբ[փա՞ստ]։
Ծանոթագրություններ
խմբագրել- ↑ 1,0 1,1 Կազմակերպության մասին տեղեկություններ Հայաստանի Հանրապետության պետռեգիստրի կայքում (արխիվացված 09․07․2024 թվական)։
- ↑ Տեղեկություններ կազմակերպության մասին spyur.am կայքում (արխիվացված 09․07․2024 թվական)։
- ↑ «Արբիտրաժի և հաշտարարության հայաստանյան կենտրոնը երկրում արբիտրաժային նոր մշակույթ է ձևավորում. Տաթևիկ Մատինյան». Armenpress. 2024 թ․ հունվարի 25. Վերցված է 2024 թ․ հուլիսի 2-ին.