Արաքսյա Խաչատրյան
Արաքսյա Արտավազդի Խաչատրյան (նոյեմբերի 17, 1960, Երևան, Հայկական ԽՍՀ, ԽՍՀՄ), հայ խմբավար, մանկավարժ։
Արաքսյա Խաչատրյան | |
---|---|
Ծնվել է | նոյեմբերի 17, 1960 (63 տարեկան) Երևան, Հայկական ԽՍՀ, ԽՍՀՄ |
Երկիր | Հայաստան |
Մասնագիտություն | խմբավար |
Աշխատավայր | Հայկական պետական մանկավարժական համալսարան |
Կենսագրություն խմբագրել
Արաքսյա Խաչատրյանը ծնվել է 1960 թվականի նոյեմբերի 17-ին Երևանում։ 1984 թվականին ավարտել է Երևանի մանկավարժական ուսումնարանը, 1992 թվականին՝ ԵԿՄ խմբավարության բաժինը (Ա. Վերանյանի, Դ. Ղազարյանի դասարաններ)։
1992-2004 թվականներին և 2012 թվականից ՀՄՊՀ-ի դասախոս է։
2001 թվականին հիմնադրել է «Ցոլեր» կանանց քառաձայն երգչախումբը։
2004-2012 թվականներին եղել է Թեհրանի հայ մշակութային «Արարատ» կազմակերպության «Արարատ» տղամարդկանց և կանանց երգչախմբի գեղարվեստական ղեկավար և խմբավար։ Երգչախումբը մասնակցել է «Մեկ ազգ, մեկ մշակույթ» (2008), «Իմ Հայաստան» (2012) համահայկական, «Կոմիտաս Վարդապետ» (2013), «Ֆաջր» միջազգային (2014, 3-րդ մրցանակ, Իրան) փառատոներին։
Այս հոդվածի կամ նրա բաժնի որոշակի հատված վերցված է «Հայ երաժշտության հանրագիտարանից», որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ |