Արարատ Դանիելյան

Վիքիպեդիայում կան հոդվածներ Դանիելյան ազգանունով այլ մարդկանց մասին։

Արարատ Աշոտի Դանիելյան (հունվարի 16, 1958(1958-01-16), Ստեփանակերտ, Ադրբեջանական ԽՍՀ, ԽՍՀՄ), Արցախի արդարադատության նախարար։

Արարատ Դանիելյան
Ծնվել է	հունվարի 16, 1958 (66 տարեկան)
Ծննդավայր	Ստեփանակերտ
Քաղաքացիություն	Արցախ
Կրթություն	Երևանի պետական համալսարան
Մասնագիտություն	իրավագետ

Կենսագրություն

• 1977 թվականին ընդունվել և 1981 թվականին ավարտել է Ստեփանակերտի մանկավարժական ինստիտուտի պատմության ֆակուլտետ։
• 1990 թվականին ընդունվել է Մոսկվայի Համամիութենական իրավաբանական ինստիտուտ, այնուհետև տեղափոխվել Երևանի պետական համալսարան 1999 թվականին ավարտել է իրավագետի որակավորմամբ։
• 1981-1983 թթ. ծառայել է խորհրդային բանակի շարքերում։
• 1983-1988 թթ. աշխատել է կոմերիտական կազմակերպություններում։

Կարիերա

• 1989-1990 թթ. զբաղեցրել է ԼՂԻՄ հատուկ կառավարման կոմիտեի նախագահի ընդունարանի քարտուղարի պաշտոնը։
• 1990-1991 թթ. Մարզսպառընկերություն՝ իրավախորհրդատու։
• 1991-1992 թթ. ԼՂԻՄ պլանային տնտեսական գլխավոր վարչություն՝ վարչության պետի օգնական։
• 1992-1994 թթ. աշխատել է ԼՂՀ նախարարների խորհրդի նախագահի, ԼՂՀ պաշտպանության պետական կոմիտեի նախագահի օգնականի պաշտոններում։
• 1994-2004 թթ. ԼՂՀ Նախագահի աշխատակազմի ղեկավար։
• 1994-1997 թթ. համատեղել է ԼՂՀ անվտանգության խորհրդի քարտուղարի պաշտոնը։
• 1994-1997 թթ. գլխավորել է ԼՂՀ Նախագահին կից ներման հարցերի հանձնաժողովը։
• 2004-2007 թթ. ԼՂՀ փոխվարչապետ։
• 2007-2010 թթ. ԼՂՀ Գերագույն դատարանի նախագահ։
• 2010-2011 թթ. ԼՂՀ Նախագահի խորհրդական։
• 2011 թ ապրիլից ԼՂՀ Նախագահի խորհրդական, ԼՂՀ Ազգային ժողովում ԼՂՀ Նախագահի մշտական ներկայացուցիչ։
• 2012 թ. սեպտեմբերի 22-ից - ԼՂՀ արդարադատության նախարար։

Արտաքին հղումներ

• «Հանրային իրավունք» մասնագիտությամբ իրավաբանական գիտությունների թեկնածուի գիտական աստիճանի հայցման ատենախոսության(չաշխատող հղում)