Արամ Կարապետյան (քաղաքական գործիչ)

հայ քաղաքական գործիչ
HS Disambig.svg Անվան այլ կիրառումների համար տե՛ս՝ Արամ Կարապետյան (այլ կիրառումներ)

Արամ Ռաֆիկի Կարապետյան , ՀՀ քաղաքական գործիչ, «Նոր ժամանակներ» կուսակցության նախագահ։

Արամ Կարապետյան
Դիմանկար
Ծնվել էփետրվարի 1, 1964(1964-02-01) (57 տարեկան)
ԾննդավայրԵրևան, Հայկական ԽՍՀ, ԽՍՀՄ
ՔաղաքացիությունFlag of Armenia.svg Հայաստան
Ազգությունհայ
ԿրթությունՀայաստանի ազգային պոլիտեխնիկական համալսարան
Մասնագիտությունքաղաքական գործիչ
ԿուսակցությունՆոր ժամանակներ
Aram Karapetyan Վիքիպահեստում

Ծնվել է 1964 թ. փետրվարի 1-ին Երևանում։

ԿրթությունԽմբագրել

  • 1980 թ. ավարտել է Երևանի թիվ 45 միջնակարգ դպրոցը։
  • 1980-1985 թթ. սովորել է Երևանի պոլիտեխնիկական ինստիտուտի տեխնիկական կիբեռնետիկայի ֆակուլտետում։
  • 1986-1988 թթ. սովորել է ԽՍՀՄ գիտությունների ակադեմիայի Մոսկվայի ռադիոֆիզիկայի և էլեկտրոնիկայի ինստիտուտի ասպիրանտուրայում, որտեղ պաշտպանել է թեկնածուական թեզ և 1990 թ. ստացել ֆիզիկամաթեմատիկական գիտությունների թեկնածուի գիտական աստիճան։
  • 1996-1999 թթ. սովորել է Ռուսաստանի գիտությունների ակադեմիայի սոցիալ-քաղաքական հետազոտությունների ինստիտուտի դոկտորանտուրայում և դոկտորական թեզը պաշտպանելուց հետո՝ 1999 թ. ստացել է քաղաքական գիտությունների դոկտորի աստիճան։

Աշխատանքային գործունեությունըԽմբագրել

  • Աշխատել է Հայաստանի գիտությունների ակադեմիայի ռադիոֆիզիկայի և էլեկտրոնիկայի ինստիտուտում՝ որպես գիտաշխատող, հետո ավագ գիտաշխատող, ինստիտուտի արհմիության կոմիտեի նախագահ։ Ակտիվ մասնակցել է ղարաբաղյան շարժմանը։
  • «Ռուս-հայկական համագործակցության հիմնադրամի» համակարգող։
  • Աշխատել է Ռուսաստանի Պետդումայում, Պետդումայի ազգային անվտանգության խորհրդում, Ռուսաստանի դաշնային խորհրդում։
  • ՌԴ Պետդումայի ազգային անվտանգության խորհրդի հարավային ուղղության ղեկավար։
  • Եղել է մի շարք ռուսաստանյան բանկերի տնօրենների խորհրդի խորհրդական և մի շարք բանկերի տնօրենների խորհրդի անդամ։
  • 2002 թ. Երևանում հիմնել է «Հեռանկար» ռազմավարական նախաձեռնությունների կենտրոնը։

Քաղաքական գործունեությունըԽմբագրել

  • 2003 թ. եղել է ՀՀ Նախագահի թեկնածու։
  • 2003 թ. Ազգային ժողովի ընտրություններին նրա թեկնածությունը չի գրանցվել վերջին 5 տարում ՀՀ-ում չբնակվելու պատճառաբանությամբ։
  • 2003 թ. դեկտեմբերի 2-ին հիմնադրել է «Նոր Ժամանակներ» կուսակցությունը և միաձայն ընտրվել նրա նախագահ։
  • 2007 թ. ՀՀ 4-րդ գումարման Ազգային ժողովի ընտրությունների ժամանակ գլխավորել է ՆԺԿ համամասնական ընտրացուցակը։

Պարգևներ և մրցանակներԽմբագրել

  • 2005 թ. Մոսկվայում կազմակերպվող «Լավագույնը լավագույններից» ամենամյա մրցանակաբաշխության արդյունքում Արամ Կարապետյանը ճանաչվել է հաղթող։ Հանձնաժողովը Արամ Կարապետյանին արժանացրել է նաև «ՌԴ պատվավոր հյուրի» կոչմանը։
  • 2006 թ. Մոսկվայում՝ «Ռուսաստանի պրոֆեսիոնալ» հեղինակավոր մրցանակաբաշխության ժամանակ ժողովուրդների բարեկամության գործում ունեցած մեծ ավանդի համար ճանաչվել է ԱՊՀ երկրներում միակ պրոֆեսիոնալ քաղաքական գործիչը։

Հեղինակել և խմբագրել է բազմաթիվ քաղաքականագիտական աշխատություններ, այդ թվում մի քանի գրքեր։

Ամուսնացած է, ունի երեք երեխա։