Արամ Գյոքջյան
Արամ Գրիգորի (Գյոնջյան) Գյոքջյան (1891 կամ 1893, Սիս, Ադանայի մարզ, Թուրքիա - ապրիլի 14, 1944, Աթենք, Հունաստան), հայ բժիշկ։
Ծնվել է | 1891/1893 |
---|---|
Ծննդավայր | Սիս, Ադանայի մարզ, Թուրքիա |
Մահացել է | ապրիլի 14, 1944 |
Մահվան վայր | Աթենք, Հունաստան |
Կրթություն | Սիսի Հովհաննես Խերոյանի ղեկավարած Ազգային վարժարան Տարսոնի Սեյնթ Պոլ քոլեջ Բեյրութի Սեն Ժոզեֆ Ֆրանսիական համալսարանի բժշկական ֆակուլտետ |
Մասնագիտություն | բժիշկ |
Կենսագրություն խմբագրել
Արամ Գյոքջյանը ծնվել է 1891/1893 թվականին, Ադանայի նահանգի Կոզանի գավառի Սիս քաղաքում։ 1907 թվականին նախնական կրթությունն ստացել է Սիսի՝ Հովհաննես Խերոյանի ղեկավարած Ազգային վարժարանում։
1907-1910 թվականներին սովորել է ամերիկացի միսիոներների Տարսոնի Սեյնթ Պոլ քոլեջում։ 1910-1914 թվականներին սովորել է Բեյրութի Սեն Ժոզեֆ Ֆրանսիական համալսարանի բժշկական ֆակուլտետում։ 1914 թվականին, Առաջին համաշխարհային պատերազմն սկսվելու պատճառով զորակոչվել է օսմանյան բանակ և զինվորական օգնական բժիշկ ծառայել։ Սիրիայում մեծ օգնություն է ցուցաբերել հայ տարագիրներին։
Բանակի հետ զանազան վայրերում ծառայելուց հետո Երուսաղեմի ռազմաճակատում գերի է ընկել անգլիացիներին, որոշ ժամանակ բանտարկվել Սեյդի Բեշիրի բանտում։
Ազատվելուց հետո անգլիական բանակում օգնական բժիշկ է ծառայել։ Այնուհետև մի քանի տարի աշխատել է Կ. Պոլսում, Բեյրութում, Մերսինում։ Անգլիացիների՝ Կիլիկիան թողնելուց քիչ հետո տեղափոխվել է Կիպրոս, այստեղից էլ՝ Ֆրանսիա։ Երկու տարի Ֆրանսիայի տարբեր բժշկական հաստատություններում կատարելագործել է բժշկական գիտելիքները։
1921 թվականին Փարիզում ստացել է բժշկի վկայական (Diplome superieur d’hygiene), որին արժանացած առաջին հայն է իբրև մանկաբարձ, կանանց և մանկանց հիվանդությունների մասնագետ։
1948 թվականի դրությամբ բնակվել է Կիպրոսի Լառնակա քաղաքում և եղել ճանաչված ու հարգված բժիշկ։ Դպրոցական տարիներից ի վեր սեր է ունեցել դեպի գիր գրականությունը։
1909 թվականին Կիլիկիայի կոտորածների առթիվ գրած իր բանաստեղծությունների ժողովածուն հրատարակել է «Եստա» ծածկանունով։ Բժշկական հանրամատչելի հոդվածներով թղթակցել է հունահայ պարբերական մամուլին, եղել թերթի խմբագիր։
Սպանվել է 1944 թվականի ապրիլի 14-ին, Աթենքում՝ 52 տարեկանում։
Աշխատություն խմբագրել
- Ցուրտ կիթառ, Ստամբուլ, 1909։
Աղբյուրներ խմբագրել
- Հարություն Մինասյան, Օսմանյան կայսրությունում և Թուրքիայի Հանրապետությունում բռնաճնշումների և ցեղասպանության ենթարկված հայ բժիշկներ, Երևան, «Լուսաբաց», 2014 — 520 էջ։
Գրականություն խմբագրել
- Քէլէշեան Միսաք, Սիս Մատեան, Պէյրութ, 1949։
- Հովակիմյան Բ., Հայոց ծածկանունների բառարան, Երևան, 2005։