Արամ Կարամանուկյան
| Տեղեկությունը այս հոդվածում կամ նրա որոշ բաժիններում հնացել է: Դուք կարող եք օգնել նախագծին՝ թարմացնելով այն և դրանից հետո հեռացնել կաղապարը: |
Արամ Հակոբի Կարամանուկյան (արևմտահայերեն՝ Արամ Գարամանուկեան, մայիսի 1, 1910, Այնթապ, Այնթապի սանջակ, Հալեպի վիլայեթ, Օսմանյան կայսրություն - դեկտեմբերի 23, 1996, Ֆորթ Լի, Բերգեն շրջան, Նյու Ջերսի, ԱՄՆ), սիրիական բանակի հայազգի գեներալ-լեյտենատ, իրավաբան։
| Արամ Կարամանուկյան | |
|---|---|
 | |
| մայիսի 1, 1910 - դեկտեմբերի 23, 1996 (86 տարեկան) | |
| Ծննդավայր | Այնթապ, Այնթապի սանջակ, Հալեպի վիլայեթ, Օսմանյան կայսրություն |
| Մահվան վայր | Ֆորթ Լի, Բերգեն շրջան, Նյու Ջերսի, ԱՄՆ |
| Քաղաքացիություն |  Ֆրանսիա |
| Կոչում | գեներալ-լեյտենանտ |
| Մարտեր/ պատերազմներ | Արաբա-իսրայելական պատերազմ (1948-1949) |
| Կրթություն | Հատուկ Ռազմական Դպրոց Սեն Սիր, Փարիզի համալսարան և Սուրբ Ժոզեֆի համալսարան |
| Պարգևներ |  և  |
Մեծ եղեռնից հետո ընտանիքով հաստատվել է Հալեպում։ 1934 թվականին ավարտել է ֆրանսիական բանակի սիրիական գնդերի համար սպաներ պատրաստող Դամասկոսի զինվորական դպրոցի հրետանային բաժինը։ 1938 թվականին մասնագիտության մեջ հմտանալու նպատակով ուղարկվել է Ֆրանսիա, 1945 թվականին ընդունվել է Փարիզի ֆրանսիական բանակի բարձրագույն ռազմական հաստատությունը։ 1946 թվականին Սիրիայի անկախության ձեռքբերումից հետո մասնակցել է սիրիական ազգային բանակի կազմավորմանը։ 1948 թվականին Իսրայելի դեմ պատերազմում եղել է հրետանային գնդի հրամանատար, 1949–1957 թվականներին՝ սիրիական բանակի հրետանու ընդհանուր հրամանատարը։ 1957 թվական նշանակվել է Սիրիայի ռազմական կցորդ ԱՄՆ-ում։ 1964 թվականից հետևել է իրավունքի դասընթացների Բեյրութի ֆրանսիական, ապա Փարիզի համալսարաններում, 1972 թվականին ստացել է իրավունքի դոկտորի գիտական աստիճան։ 1978 թվականին ֆրանսերեն լեզվով լույս տեսած «Օտարականները և զինվորական ծառայությունը» գրքի գլուխներից մեկը նվիրել է Հայկական լեգեոնի պատմությանը՝ օգտագործելով նորահայտ փաստաթղթեր և նյութեր[1]։
Երկեր խմբագրել
- Հայկական լեգեոնը պատմական իրասական ու քաղաքական հարցերու յոյսին տակ եւ վաւերագրեր, Բեյրույթ, 1974։
Ծանոթագրություններ խմբագրել
- ↑ Les Elrangers el Service miiiaire, P., 1978.
Այս հոդվածի կամ նրա բաժնի որոշակի հատվածի սկզբանական տարբերակը վերցված է «Հայկական հարց» հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ 
|