Ավրորա (կինոթատրոն, Սանկտ Պետերբուրգ)
Անվան այլ կիրառումների համար տե՛ս՝ Ավրորա
Ավրորա (ռուս.՝ Кинотеа́тр «Авро́ра»), Սանկտ Պետերբուրգի ամենահին թատրոններից մեկը։ Գտնվում է քաղաքի կենտրոնում՝ Նևսկի պողոտայի № 60 տան բակում։
 | |
|---|---|
 | |
| Տեսակ | կինոթատրոն, շենք և ճարտարապետական հուշարձան |
| Երկիր |  Ռուսաստան |
| Տեղագրություն | Կենտրոնական շրջան |
| Վայր | Nevsky Prospect? |
| Հիմնադրված է | 1913 |
| Ժառանգության կարգավիճակ | Ռուսաստանի մարզային նշանակության մշակութային ժառանգության օբյեկտ |
 | |
 | |
| Պաշտոնական կայք | |
Պատմություն խմբագրել
Այն տարածքում, որտեղ ներկայումս գտնվում է № 60 տունը, 1780-ական թվականներին առաջին սեփականատիրոջ՝ վաճառական Դենիսովայի համար կառուցվել է երկհարկանի քարե տուն։ 1790-ական թվականներից այս տարածքը պատկանել է կոմս Սերգեյ Պետրովիչին, իսկ 1830-ականների վերջերին` նրա դստերը՝ Գոլիցինին։ 1844-1845 թվականներին այս տանը ապրել է բանաստեղծ Պյոտր Վյազեմսկին։ 1850-ական թվականներին տունը պատկանել է գրող Ալեքսեյ Տոլստոյի մորը՝ կոմսուհի Ալեքսանդրա Անդրեևնային։ 1858 թվականին տունը անցել է վաճառական Գլազունովին, որի համար ճարտարապետ Վինտերգալտերը ավարտին հասցրեց կառույցը և փոխեց ճակատը։ Մինչև հեղափոխությունը տունը պատկանում էր Գլազունովին և նրա ժառանգներին, որտեղ գործում էին տարբեր գրասենյակներ և խանութներ։
1913 թվականին ճարտարապետներ Ստեպանովի և Շաուբի (ըստ այլ աղբյուրների` Կոտովիչի[1]) նախագծով շենքի բակում կառուցվել է «Պիկադիլի» կինեմատոգրաֆի շենքը, որտեղ տեղավորվում էր 700 հանդիսատես։ Նրա կիսագմբեթավոր ճակատը կառուցվել էր նեոդասական ոճով, իսկ հանդիսատեսի դահլիճը՝ մոդեռն ոճի ծեփածո դեկորով։ Ձեռք է բերվել նորագույն պրոյեկտորային սարքավորումներ և մեծ էկրան։ Կինոթատրոնի բացումը տեղի է ունեցել 1913 թվականի դեկտեմբերի 27-ին։
1923-1924 թվականներին ճարտարապետ Ալմեդինգենը վերակառուցեց կինոթատրոնը՝ այն ներկայացնելով նոր ինտերիերի մեջ։ 1932 թվականի նոյեմբերին, հեղափոխության 15-ամյակի կապակցությամբ, կինոթատրոնը կոչվեց «Ավրորա» («Ավրորա» հածանավի պատվին)։ 1932 թվականին նույն կինոթատրոնում տեղադրվել է ձայնային ֆիլմեր ցուցադրելու համար նախատեսված սարքավորումներ։ Վերջինս դարձավ Լենինգրադի առաջին ձայնային կինոթատրոններից մեկը։ 1937 թվականին այն ընդլայնվեց՝ կինոթատրոնի հրապարակի տարածքը երկու անգամ մեծացավ և կառուցվեցին ֆոյե, համերգասրահ, որոնք զարդարված էին հին աստվածների արձաններով։
«Ավրորան» այն կինոթատրոններից էր, որը Լենինգրադի շրջափակման ժամանակ չի դադարեցրել ֆիլմերի ցուցադրությունները։
Արդիականություն խմբագրել
Ներկայումս կինոթատրոնում կա երկու սրահ՝ մեծ՝ 623 և փոքր՝ 100 տեղ, ինչպես նաև կինոբար և սրճարան։
1998 թվականին կինոթատրոնում 85 ամյակի կապակցությամբ կատարվել է վերանորոգման մեծ աշխատանք և վերականգնվել է պատմական տեսքը։ Միևնույն ժամանակ կինոթատրոնը համալրվել է վերջին Dolby Digital SurroundEX ձայնային սարքերով, նոր ակուստիկ Perlux էկրան՝ 100 քառակուսի մետրով և նոր բազկաթոռներով։
2010 թվականին տեղադրվել է Christie CP2230 թվային կինոպրոյեկտոր և XpanD Dx101 մոդելի ակտիվ 3D տեսապակի։ Ցուցադրում են վավերագրական ֆիլմեր[2]։
Ծանոթագրություններ խմբագրել
Գրականություն խմբագրել
- Б. М. Кириков, Л. А. Кирикова, О. В. Петрова // Невский проспект. Дом за домом. — 4-е изд., перераб.. — М.: Центрполиграф, 2013