Ավտոբուսի պայթյուն Թունիսում
Ավտոբուսի պայթյուն Թունիսում, տեղի է ունեցել 2015 թվականի նոյեմբերի 24-ին՝ Թունիսի գլխավոր փողոցում, խլել է 13 մարդու կյանք (ներառյալ մահապարտ ահաբեկիչը)։ Ավտոբուսը տեղափոխում էր նախագահի թիկնապահներին։ «Իսլամական պետություն» ահաբեկչական կազմակերպությունը ստանձնել է ահաբեկչության պատասխանատվությունը։ Հարձակման ժամանակ զոհված ահաբեկիչը նույնականացվել է որպես Հուսեմ Ալ Աբդելի[1][2] (ֆր.՝ Houssem Abdelli, Հուսեմ Աբդելի)։
| Ավտոբուսի պայթյուն Թունիսում | |
|---|---|
 | |
| Տեսակ | ահաբեկիչ-մահապարտի պայթյուն |
| Երկիր |  Թունիս |
| Գրոհի վայր | Թունիս |
| Տեղադրանք | Avenue Mohammed V? |
| Տարեթիվ | նոյեմբերի 24, 2015 |
| Զոհվածներ | 14 մարդ |
| Վիրավորներ | 20 |
Ահաբեկչություն խմբագրել
2015 թվականի նոյեմբերի 24-ին 13 մարդ (ներառյալ մահապարտ ահաբեկիչը) սպանվել է Թունիսում՝ համանուն պետության մայրաքաղաքում ավտոբուսի պայթեցման հետևանքով։ Եվս 20 մարդ վիրավորվել է[1]։ Ավտոբուսը տեղափոխում էր նախագահական թիկնազորի անդամներին։ Պայթյունը տեղի է ունեցել այն ժամանակ, երբ տրանսպորտային միջոցը կայանվել է քաղաքի կենտրոնում՝ Մուհամմեդ Հինգերորդ և Հաբիբ Բուրգիբի պողոտաների խաչմերուկում[3]։
Ահաբեկիչը նույնականացվել է որպես Թունիսի 28-ամյա բնակիչ Հուսեմ Ալ Աբդելի։ Մայրը նրան ճանաչել է լուսանկարով։
Հետաքննություն խմբագրել
Թունիսի ներքին գործերի նախարարությունը հայտնել է, որ Ազգային անվտանգության ստուգումները հանգեցրել են 40 մարդու ձերբակալության, որոնց կասկածում են ահաբեկչական խմբերի հետ կապված։ Ձերբակալվածների թվում է եղել կասկածյալի քույրն ու մայրը։ Թունիսի Կառավարության անվտանգության խորհուրդը փակել է Facebook-ի հաշիվները և ահաբեկչական խմբերի հետ կապված կայքերը։
Արձագանք խմբագրել
Թունիսի ներքին գործերի նախարարությունը հայտարարել է, որ միջադեպը ահաբեկչական գործողություն էր[4], կիրառվել է «Սեմտեքս» պլաստիկ պայթուցիկը[5]։ «Իսլամական պետություն» ահաբեկչական խմբավորումը ստանձնել է հայտարարության մեջ կատարված հարձակման պատասխանատվությունը։
Խմբավորումը նաև ստանձնել է Թունիսում տեղի ունեցած երկու հարձակումների պատասխանատվությունը նույն տարում, հիմնականում զբոսաշրջիկների վրա. Մարտին Բարդոյի թանգարանի վրա հարձակումը և հունիսին Սուսի ծովափնյա հանգստավայրի վրա հարձակումը։
Հարձակումից հետո նախագահ Բեդջի Քաիդ Էս Սեբսին Թունիսում պարետային ժամ է հայտարարել և արտակարգ դրություն հայտարարել մեկ ամիս ժամկետով[1]։
Ծանոթագրություններ խմբագրել
- ↑ 1,0 1,1 1,2 «Полиция Туниса задерживала смертника из автобуса до теракта». ՌԻԱ Նովոստի. 2015 թ․ նոյեմբերի 27. Վերցված է 2015 թ․ դեկտեմբերի 1-ին.
- ↑ ربط مباشر من منزل منفذ الهجوم الإنتحاري حسام العبدلي وحقائق مثيرة — YouTube
- ↑ «Взрыв автобуса в Тунисе: 12 человек погибли, 16 ранены».
- ↑ «The Latest: Tunisian attack was 'terrorist act'; 12 dead». kltv.com. Արխիվացված է օրիգինալից 2015 թ․ նոյեմբերի 25-ին. Վերցված է 2015 թ․ նոյեմբերի 24-ին.
- ↑ «Tunisia says suicide bomber carried out bus attack claimed by Islamic State». Reuters. Արխիվացված է օրիգինալից 2015 թ․ դեկտեմբերի 4-ին. Վերցված է 2020 թ․ օգոստոսի 24-ին.