Ավետիք Էլոյան
- Վիքիպեդիայում կան հոդվածներ Էլոյան ազգանունով այլ մարդկանց մասին։
Ավետիք Էլոյան (1975, Երևան, Հայկական ԽՍՀ, ԽՍՀՄ), հայ ճարտարապետ։ Ամերիկյան ճարտարապետների ինստիտուտի անդամ (2017)։
Ավետիք Էլոյան | |
---|---|
Ծնվել է | 1975 |
Ծննդավայր | Երևան, Հայկական ԽՍՀ, ԽՍՀՄ |
Կրթություն | Ճարտարապետության և շինարարարության Հայաստանի ազգային համալսարան (1998) |
Կենսագրություն խմբագրել
Ավետիք Էլոյանը ծնվել է 1975 թվականին Երևանում։ 1992-1998 թվականներին սովորել է Երևանի ճարտարապետաշինարարական ինստիտուտի Ճարտարապետության և քաղաքաշինության ֆակուլտետում։ «Մարսելի պատմական կենտրոնի վերակառուցման նախագիծ» ծրագրի շրջանակում 1997 թվականին ստաժավորում է անցել Ֆրանսիայում։ 1998 թվականին վերապատրաստվել է Հնդկաստանում Նյու Դելի մարդկային տարաբնակեցման ղեկավարման ինստիտուտում, որտեղ ուսումնասիրել է քաղաքաշինության ղեկավարման հիմնախնդիրները։ 1998-2000 թվականներին սովորել է Մոսկվայի քաղաքաշինության գիտահետազոտական ինստիտուտում։ 2001 թվականին Երևանի պետական Ճարտարապետաշինարարական համալսարանում պաշտպանել է թեկնածուական թեզ` ստանալով ճարտարապետական գիտությունների թեկնածուի գիտական աստիճան։ 2016 թվականին Կալիֆորնիայի ճարտարապետների պալատի կողմից ստացել է ճարտարապետական և քաղաքաշինական նախագծման արտոնագիր։ 2001-2002 թվականներին եղել է «Պողոսյան Հրաչ ճարտարապետական արվեստանոցի» ճարտարապետ, 2002-2006 թվականներին՝ Բար Հարբոր քաղաքի «Ռոք Քայվանո արքիթեքթս» արվեստանոցի ճարտարապետ, 2006-2008 թվականներին՝ Չիկագոյի «Պապաջորջ-Հայմս փարթներս» նախագծային արվեստանոցի ճարտարապետ, 2008- 2012 թվականներին՝ Սան Ֆրանցիսկոյի «Մաքդոնալդ արքիթեքթս» ճարտարապետական արվեստանոցի նախագծերի ղեկավար[1]։
2012-2018 թվականներին ԱՄՆ-ում հիմնադրել և ղեկավարել է «Էլոյան արքիթեքթս» ճարտարապետական արվեստանոցը։ Նախագծել է մի շարք կառույցներ Լոս Անջելեսում, Չիկագոյում, Սան Ֆրանցիսկոյում, Մոսկվայում և այլն[2]։
Նշանակալի կառույցներ խմբագրել
- «Սան Ֆրանցիսկո Բեյ բրիջ» կամրջի (San Francisco Bay Bridge) մատույցներ
- «Պորտլանդ Միլուոկե» (Portland Milwaukie Light Rail Bridge) կամուրջ
- Չիկագոյում «Ալտա Քեյ» բազմահարկ բնակելի շենք
- Բնակելի շենքի նախագիծ Բերքլիում
- Բազմաֆունկցիոնալ շենքի նախագիծ Սան Ֆրանցիսկոյում
Ծանոթագրություններ խմբագրել
- ↑ «Քաղաքաշինության պետական կոմիտեն կղեկավարի Ավետիք Էլոյանը». mediamax.am (անգլերեն). Վերցված է 2018 թ․ հունիսի 15-ին.
- ↑ «Ավետիք Էլոյան. Այսօր կարող ենք խուսափել վաղվա միջակությունից». mediamax.am (անգլերեն). Վերցված է 2018 թ․ հունիսի 15-ին.