Աստվածամոր Ազովի սրբապատկերի տաճար

Աստվածամոր Ազովի սրբապատկերի եկեղեցի (ռուս.՝ Храм в честь Азовской иконы Божией Матери), ուղղափառ տաճար Ռուսաստանի Ռոստովի մարզի Ազով քաղաքում։ Ենթարկվում է Ռուս Ուղղափառ եկեղեցու Մոսկվայի պատրիարքարանի Ռոստովի և Նովոչերկասկի թեմին։

Աստվածամոր Ազովի սրբապատկերի տաճար
ռուս.՝ Храм в честь Азовской иконы Божией Матери
Հիմնական տվյալներ
Տեսակտաճար
ԵրկիրՌուսաստան Ռուսաստան
Դավանանքուղղափառություն
ԹեմՌոստովի և Նովոչերկասկի թեմ
Հիմնական ամսաթվերը1993
Հիմնադրված1993
Քարտեզ
Քարտեզ
Արտաքին պատկերներ
Աստվածամոր Ազովի սրբապատկերի եկեղեցին

Հասցեն՝ Ռուսաստան, 346783, Ռոստովի մարզ, ք. Ազով, Մակարովսկու փող., 25բ։

Պատմություն խմբագրել

1993 թվականին Ռոստովի մետրոպոլիտ Վլադիմիրը (Կոտլյարով) օրհնեց Ռոստովի մարզի Ազով քաղաքում ի պատիվ Աստվածամոր Ազովի սրբապատկերի նոր ծխի ստեղծումը։ Ծխի և ապագա Աստվածամոր Ազովի սրբապատկերի տաճարի անվանումները նշանակում են ուղղափառ ազովցիների և Ազովի գործիչների գործունեության պատարագային հավերժացումը։

Նոր ծխի աղոթքի տան համար օգտագործվել է նախկին «Դոն» կինոթատրոնի շենքը։ Կինոթատրոնը նորոգելուց հետո այնտեղ սկսեցին ծիսակատարություններ անցկացվել։

1996 թվականից քաղաքում անցկացվել են նոր տաճարի նախագծման աշխատանքներ։ 1998 թվականին սկսվել է նրա շինարարությունը։ Շինարարությունն օծել է Ռոստովի արքեպիսկոպոս Պանտելեիմոնը։ Տաճարի շինարարությունը երկարել է մինչև 2005 թվականը։ Տաճարի կառուցումն արագացնելու համար Ազովում ստեղծվեց հոգաբարձուների խորհուրդ, որի աշխատանքներին մասնակցում էին Ազովի քաղաքային դումայի պատգամավորներ և քաղաքի ձեռնարկությունների ղեկավարներ։ Մարզի կազակական ղեկավարության ցանկությամբ տաճարը ստացել է գնդայինի կարգավիճակ։

2006 թվականին տաճարի շինարարությունը շարունակվել է. կառուցվել են եկեղեցու պատերը, տեղադրվել են գմբեթները։ Եկեղեցու ընդհանուր բարձրությունը գմբեթների հետ մոտ 30 մետր է։ Տաճարը նախատեսված է մինչև 300 հավատացյալի միաժամանակյա այցելության համար։

2007 թվականի մարտին տաճարի զանգակատանը տեղադրվել է «Իշխան Վլադիմիր» մեկուկես մետրանոց զանգը, որի քաշը 1270 կգ է։ Զանգը ձուլվել է Կամենսկ-Ուրալսկի քաղաքում, որպես նվեր տաճարին Սվերդլովսկի մարզի ղեկավար Վ. Ֆ. Չուբայից։ Աստվածային պատարագը տաճարում տեղի է ունեցել 2007 թվականի գարնանը։

2008-2009 թվականներին տաճարում կատարվել են ներքին հարդարման աշխատանքներ, տաճարը համալրվել է նոր սրբապատկերներով, կարգի է բերվել տաճարի շրջակա տարածքը։

Հոգևորականներ խմբագրել

  • Ավագ երեց Ալեքսանդր Միրոշնիչենկո

Գրականություն խմբագրել

  • Арутюнов Г. Б. «Православные храмы Азова. Памятные православные места», в книге Арутюнов Г. Б., Азов – имя знаменитое, Азов: информационно-издательский центр «Патарва», 2009.

Հղումներ խմբագրել