Աստղարդ

Աստղարդ, կամ աստերոիդ (հուն․՝ αστρον - աստղ և ειδος - ձև, այսինքն աստղաձև), կոր, որը գծում է շրջանագծի $p$ կետը, երբ այդ շրջանագիծը առանց սահելու գլորվում է 4 անգամ մեծ շառավիղ ունեցող շրջանագծով՝ այն շոշափելով ներսից։ Աստղարդը հիպոցիկլոիդ է։

Աստղարդի կառուցումը

Եթե կոորդինատական առանցքներն անցնում են աստղարդի գագաթներով (տես գծագիրը), ապա նրա հավասարումն ունի՝

$x^{2/3}+y^{2/3}=R^{2/3}\,$, տեսքը ($R$-ը մեծ շրջանագծի շառավիղն է)։

Աստղարդի կամայական $M$ կետում տարած շոշափողի և կոորդինատական առանցքների միջև ընկած $AB$ հեռավորությունը հաստատուն մեծություն է և հավասար է $R$-ի։

Տես նաև

• Սրտարդ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 1, էջ 584)։

Վիքիպահեստն ունի նյութեր, որոնք վերաբերում են «Աստղարդ» հոդվածին։