Ասացեք այս մասին ձեր երեխաներին...

Ասացեք այս մասին ձեր երեխաներին... (շվեդերեն՝ Om detta må ni berätta'), Հոլոքոստի մասին պատմական նյութերի ժողովածու։

Ասացեք այս մասին ձեր երեխաներին...
Տեսակգրական ստեղծագործություն
Ժանրնոն-ֆիկշն
Բնօրինակ լեզուշվեդերեն
ԵրկիրFlag of Sweden.svg Շվեդիա
ՀրատարակիչՇվեդիայի նախարարությունների համատեղ վարչություն
Հրատարակման տարեթիվ1998

Գիրքը հրատարակվել է «Կենդանի պատմություն» նախագծի շրջանակներում Շվեդիայի կառավարության նախաձեռնությամբ[1]։ «Կենդանի պատմություն» նախագծի կազմակերպման համար առիթ է ծառայել շվեդ դպրոցականների շրջանում անցկացված հարցումը, որի արդյունքում պարզվել է, որ նրանք գրեթե ոչինչ չգիտեն Երկրորդ համաշխարհային պատերազմի ժամանակ կատարված դեպքերի մասին ընդհանրապես և հրեաների ցեղասպանության մասին մասնավորապես[2]։

Գիրքը դարձել է նախագծի կենտրոնական իրադարձությունը։ Այն նախատեսված է բարձր դասարանների աշակերտների, ուսանողների և գիտական աշխատողների համար[3]։ Շվեդիայում բոլոր ընտանիքներն հնարավորություն են ստացել անվճար պատվիրել գիրքը՝ լրացնելով հատուկ դիմում[2]։ Միայն Շվեդիայում գրքի տպաքանակը գերազանցել է մեկ միլիոնը[4]։ Գիրքը թարգմանվել է բազմաթիվ լեզուներով և Շվեդիայի դեսպանատների կողմից տարածվել տարբեր երկրներում[5]։

Ռուսերեն գիրքը լույս է տեսել «Текст» հրատարակչությունում 2000 թվականին։ Դա եղել է Հոլոքստին նվիրված առաջին գիրքը, որ հետխորհրդային պետություններում լույս է տեսել մեծ տպաքանակով։ Դրանում ներառվել է հատուկ բաժին՝ «Հոլոքոստը Խորհրդային Միությունում»[6]։ Ռուսաստանում գրքի տպաքանակը կազմել է 20 հազար օրինակ[7]։ Ռուսերեն հրատարակության նախաբանը գրել են Շվեդիայի վարչապետ Յորան Պերսոնը[4] և Ռուսաստանի կառավարության նախագահի տեղակալ Վալենտին Մատվիենկոն[8]։ Գիրքը տարածվել է անվճար՝ մասնավոր անձանց և կազմակերպությունների պատվերներով[2]։

2003 թվականին լույս է տեսել գրքի էստոներեն տարբերակը։ Այն ներառում է Էստոնիայում կատարված Հոլոքոստին նվիրված գլուխ, որ հեղինակելէ Սուլև Վալդմաան (էստ․՝ Sulev Valdmaa) Տալլինի Յաան Տինիսոնի ինստիտուտից[9]։ Գիրքը լույս է տեսել 3000 օրինակով էստոներեն և 1000 օրինակով ռուսերեն, իսկ նախաբանը գրել է Էստոնիայի նախագահ Առնոլդ Ռյույտելը[10]։

ԾանոթագրություններԽմբագրել

ԳրականությունԽմբագրել

Արտաքին հղումներԽմբագրել