Անմեղ կույսի սոդոմական ինքնաբավարարումը (նկար, Դալի)

Անմեղ կույսի սոդոմական ինքնաբավարարումը; անգլ.՝ Young Virgin Auto-Sodomized by the Horns of Her Own Chastity
տեսակ	Գեղանկար
նկարիչ	Սալվադոր Դալի
տարի	1954
բարձրություն	40.5
լայնություն	30.5
ստեղծման վայր	Port Lligat?
ուղղություն	սյուրռեալիզմ
նյութ	յուղաներկ և կտավ
գտնվում է	Փարիզ
հավաքածու	Լուվրի գեղարվեստի բաժին
քաղաք	Փարիզ
սեփականատեր	Playboy Enterprises
	պատկերված են
	Ծանոթագրություններ;

«Անմեղ կույսի սոդոմական ինքնաբավարարումը» (անգլ.՝ Young Virgin Auto-Sodomized by the Horns of Her Own Chastity), Սալվադոր Դալիի նկարներից, որը հեղինակը նկարել է 1954 թվականին։ Այս նկարը կարելի է համարել Դալիի հեղինակած «Կինը պատուհանի մոտ» կտավի իմաստային շարունակությունը։ Այստեղ պատկերված է Դալիի քույր Մարիան^[3] ^[4]:

Պատմական ակնարկ խմբագրել

Մինչ կտավը նկարելը, Դալին և Մարիան սերտ փոխհարաբերություններ ունեին։ Ամեն ինչ կործանվում է, երբ Մարիան հրատարակում է իր` «Սալվադոր Դալին քրոջ աչքերով» կենսագրական գիրքը։ Իր գրքում Մարիան ներկայացնում է մի նկար, որից Դալին խիստ վիրավորվում է, և այստեղից սկսվում են նրանց բարդ փոխհարաբերությունները։ Իրականում Մարիայի գիրք գրելու նպատակը այլ էր։ 1942 թվականին Դալին հրատարակում է «Սալվադոր Դալիի գաղտնի կյանքը» ինքնակենսագրական գիրքը, որտեղ արտահայտվում է իր ընտանիքի մասին ոչ այդքան էլ դրական տեսանկյունից։ Մարիան, զայրանալով եղբոր արարքից, 1949 թվականին որոշում է իր գիրքը հրատարակել։ Դալին էլ իր հերթին 1954 թվականին նկարում է «Անմեղ կույսի սոդոմական ինքնաբավարարումը»` պատկերելով քրոջը։ Կա վարկած, որ նա նկարը նկարելիս ոգեշնչվել է 1930-ական թվականներին լույս տեսնող պոռնոգրաֆիկ ամսագրի լուսանկարիչներից մեկի աշխատանքներով։ Այստեղից էլ տարածվեցին լուրեր Դալիի և նրա քրոջ միջև եղած հավանական սեռական կապի մասին։ Այստեղ Դալիի նպատակն է պատկերել քրոջ դավաճանությունը^[3]^[4]։

Ընդհանրապես Դալին շատ է իր ստեղծագործություններում անդրադառնում կնոջ սեռականությանը։ Եթե այդ հանգամանքը դիտարկենք հոգեբանական տեսանկյունից, ապա ակնհայտ է, որ դրա հիմքը Դալիի և մոր մտերմիկ փոխհարաբերություններն են։ Նա երբեք էլ կապված չի եղել հոր հետ և ամեն հարցում ապավինել է միայն մորն ու քրոջը։ Կանայք մեծ դեր են ունեցել Դալիի կյանքում^[3]^[4]։

Նկարագրություն խմբագրել

«Անմեղ կույսի սոդոմական ինքնաբավարարումը» նկարը մի քանի իմաստ է իր մեջ պարունակում՝ քրոջ զայրույթն ու դավաճանությունը, ինչպես նաև կնոջ մարմնի ազատության գաղափարը, որը շատ համարձակ հայտարարություն էր այն ժամանակներում^[3]^[4]։

Նկարում կան բազմաթիվ սիմվոլներ՝ այդ թվում՝ ռնգեղջյուրի եղջյուրներ։ Այն ագրեսիվության և հարձակման նշան է։ Եթե նկարը ներկայացնենք պատկերավոր կերպով, ապա Դալին հենց եղջյուրներն է և հարձակվում է քրոջ վրա։ Այստեղ կրկին կա վարկած, որ Դալին պատկերել է իր և քրոջ միջև տեղի ունեցած սեռական ակտը։ Հնարավոր է, որ Դալին ցանկանում է նաև ասել, որ կինն ունի նաև կենդանական բնազդներ, և պետք է նրան հանգիստ թողնել։ Մի բան ակնհայտ է. Դալին շատ էքսցենտրիկ էր և դա խիստ արտահայտված է իր աշխատանքներում^[3]^[4]։

Միայն Դալին գիտե, թե իրականում ինչ էր ուզում ասել այս նկարով։ Արդյո՞ք սա իր յուրօրինակ սիրային նամակն է, թե՞ հերթական աղմկահարույց գործը^[3]^[4]։

«Անմեղ կույսի սոդոմական ինքնաբավարարումը» նկարը Դալիի ամենասադրիչ նկարը չէ, սակայն այն այնպիսի լայն հասարակայնություն է ձեռք բերել իր նախապատմության համար, որը շատ շփոթեցնող է։ Պատկերում է տղամարդու պայքարը իր իսկ սիրո և դավաճանված լինելու զգացողության հետ, որն ի վերջո ներկայացվում է գեղեցիկ և սադրիչ կերպով^[3]^[4]։

Կորցնելով մորը, քրոջ և կնոջը` Դալին այս նկարով, կարծես, ցանկացել է իր վրեժը լուծել և զայրույթն արտահայտել։ Նա ցանկանում է այս կերպ ազատություն տալ կնոջը։ Իրեն որպես եղջյուրներ պատկերելով` թվում է, թե ներողություն է խնդրում մորից, քրոջից և կնոջից^[3]^[4]։

Ահա այսպիսի տարօրինակ և ալյաբանական կերպով է Դալին ընկալում կնոջ գեղեցկությունը^[3]^[4]։

Ծանոթագրություններ խմբագրել

↑ Young Virgin Auto-Sodomized By The Horns Of Her Own Chastity.
↑ Black-and-White Night.
↑ ^3,0 ^3,1 ^3,2 ^3,3 ^3,4 ^3,5 ^3,6 ^3,7 ^3,8 Salvador Dali's controversial portrait of his sister leads Bonhams sale.(անգլ.)
↑ ^4,0 ^4,1 ^4,2 ^4,3 ^4,4 ^4,5 ^4,6 ^4,7 ^4,8 Young Virgin Auto-Sodomized By Her Own Chastity(անգլ.)

[1] Young Virgin Auto-Sodomized By The Horns Of Her Own Chastity.

[2] Black-and-White Night.

[Salvador_Dali's-3] 3,0 ^3,1 ^3,2 ^3,3 ^3,4 ^3,5 ^3,6 ^3,7 ^3,8 Salvador Dali's controversial portrait of his sister leads Bonhams sale.(անգլ.)

[Salvador_Dali-4] 4,0 ^4,1 ^4,2 ^4,3 ^4,4 ^4,5 ^4,6 ^4,7 ^4,8 Young Virgin Auto-Sodomized By Her Own Chastity(անգլ.)

[3]

[4]

[1]

[2]