Անժելա Աթաբեկյան

Վիքիպեդիայում կան հոդվածներ Աթաբեկյան ազգանունով այլ մարդկանց մասին։

Անժելա Աթաբեկյան (Երևան, ապրիլի 11, 1938(1938-04-11)), հայ քանոնահարուհի, երաժշտագետ, արվեստագետ, Երևանի պետական կոնսերվատորիայի պրոֆեսոր (2003)։ ՀԽՍՀ ժողովրդական արտիստ (1986)։

Անժելա Աթաբեկյան
Ծնվել է	ապրիլի 11, 1938 (86 տարեկան) Երևան
Երկիր	Հայաստան
Մասնագիտություն	քանոնահարուհի, երաժշտագետ, արվեստագետ
Գործիքներ	Քանոն
Կրթություն	Ռոմանոս Մելիքյանի անվան պետական երաժշտական քոլեջ և Երևանի Կոմիտասի անվան պետական կոնսերվատորիա
Պարգևներ
Anzhela Atabekyan Վիքիպահեստում

Կենսագրություն

Ծագում է Ջրաբերդ գավառի տիրակալների՝ Աթաբեկյանների իշխանական տոհմից։ 1955 թվականին ավարտել է Երևանի Ռոմանոս Մելիքյանի անվան երաժշտական ուսումնարանը։ 1983 թ. ավարտել է Երևանի պետական կոնսերվատորիան։

1956-1993 թվականներին եղել է ՀՀ Հեռուստառադիոյի Ա. Մերանգուլյանի անվան ժողովրդական գործիքների անսամբլի մենակատար։ 1959-2000 թվականներին դասավանդել է Ռոմանոս Սելիքյանի անվան ուսումնարանում, 1983 թվականից՝ Երևանի պետական կոնսերվատորիայում։ Շուրջ 25 տարի՝ 1968-1993 թվականներին, ղեկավարել է ՀԽՍՀ կուլտուրայի մինիստրությանը կից մեթոդ-կաբինետի ժողգործիքների բաժինը՝ որպես մեթոդիստ-խորհրդատու։ Կազմել և խմբագրել է 2 ժողովրդական մեթոդական ձեռնարկներ և այլն։ 1972 թվականից գործում է Աթաբեկյանի հիմնադրած «Աթաբեկյան քույրեր» վոկալ-գործիքային անսամբլը։ 2012 թվականից Մէլիքաց Միություն հասարակական կազմակերպության հիմնադիր անդամ է։

Ձեռքբերումներ

Պատվավոր կոչումներ

• ՀԽՍՀ վաստակավոր արտիստ, 1967
• ՀԽՍՀ ժողովրդական արտիստ, 1986
• ԼՂՀ մշակույթի վաստակավոր գործիչ, 2013

Գիտական կոչումներ

• Մոսկվայի ԲՈՀ-ի կողմից դոցենտի գիտական կոչում, 1992
• ԲՈՀ-ի կողմից պրոֆեսորի գիտական կոչում «Երաժշտական արվեստ» մասնագիտությամբ, 2003

Ոսկե մեդալներ

• Հայաստանի երիտասարդության առաջին մրցույթ-փառատոն (ժող. գործիքներ) – I կարգ, ոսկե մեդալ, 1957
• Խորհրդային Միության մրցույթ-փառատոն-I կարգի դիպլոմ, ոսկե մեդալ, 1957
• Երիտասարդության և Ուսանողության համաշխարհային VI-րդ  մրցույթ-փառատոն - I կարգի դիպլոմ, ոսկե մեդալ, 1957
• ԽՍՀՄ  էստրադային արտիստների վարպետ կատարողների մրցույթ – I կարգ, ոսկե մեդալ և պատվոգիր, 1958
• Հունգարիայում հայկական տասօրյակի ընթացքում լավագույն կատարողի մեդալ՝ «Ոսկե անիվների վրա»
• ՀՀ ՀՌԱԿ  կազմակերպության կողմից «Ազգանվեր գործունեություն ծավալելու և հայկական երաժշտությունը ողջ աշխարհով տարածելու երկարամյա գործունեության կապակցությամբ»- ոսկե  հուշաշքանշան և պատվոգիր, 2009
• ՀՀ մշակույթի նախարարության կողմից ծննդյան 75-ամյակի  կապակցությամբ-ոսկե մեդալ, 2013

Ոսկե հուշամեդալներ և պատվավոր կոչումներ

• «Աթաբեկյան քույրեր» հնգյակը՝ Անժելա, Ապոլինա, Անահիտ, Եղիսաբեթ, Ծովինար, Հայաստանի ԱՕԿՍ-ի ուղեգրով մասնակցել են ՀԽՍՀ-ին նվիրված մաշակույթի տասնօրյակինն, երկայացնելով ազգային ֆոլկլորը, արժանանալով I կարգի դիպլոմի, 1973,
• Անժելա Աթաբեկյանը արժանանացել է ԱՄՆ (Լոս-Անջելես)  «ՀԱՅԵՐ–HYEAIR» տնօրինության ոսկե հուշամեդալ, բարձրորակ ելույթի և ձայնագրությունների համար, 1988,
• «Աթաբեկյան քույրեր» վոկալ-գործիքային  անսամբլին (համալրված  որդիներով և  թոռներով),հրավիրում են մասնակցելու Յունեսկոյի կողմից կազմակերպված միջազգային 2-րդ փառատոնին՝որի փայլուն հաջողությունների մասին գրվել է «Թեսալոնիկի» թերթում, արժանանալով բարձր գնահատականի -I կարգի դիպլոմի, 2000,
• Ընտրվել է ԼՂՀ «Մայրության» հասարակական կազմակերպության պատվավոր անդամ, 2003,
• ԼՂՀ մայրական երախտագիտության ոսկե հուշամեդալի՝ «Արցախի քաջորդիներ», 2009,
• «Քանոն» ֆիլմի նկարահանման կապակցությամբ արժանացել է «ՀԱՅ-ART»-ի բարեկամ տիտղոսին, 2009,
• Հայոց ցեղասպանության  95-րդ  տարելիցին   նվիրված  Գյումրիի «Վերածնունդ» միջազգային մրցույթ-փառատոնի ժյուրիի կազմում պարբերաբար մասնակցելու կապակցությամբ  պարգեվատրվել է ոսկե հուշամեդալով, 2010,
• Ուկրաինայի Մարիուպոլ քաղաքում կայացած հունական մշակույթի VII միջազգային փառատոնում «Խարիտոնի» («Աթաբեկյան քույրեր») վոկալ-գործիքային անսամբլի բոլոր  անդամները  պարգևատրվեցին ոսկե հուշամեդալներով և պատվոգրերով Ռուսաստանի հունական համայնքների նախաքահ՝ Իվան Սավիդիի կողմից,ինչպես նաև Ուկրանիայի հունական համայնքի կողմից, 2012,
• Ծննդյան 75-ամյակի կապակցությամբ 2013 թվականին Աթաբեկյանը պարգևատրվել է՝

1. ՀՀ երաժշտական ընկերության «Կոմիտաս» հուշամեդալով և պատվոգրով
2. Միջազգային անվտանգության Ասպետաց ակադեմիայի «Ասպետաց  փառքի» ոսկե հուշամեդալով
3. ԼՂՀ մշակույթի նախարարության կողմից «Ղարաբաղյան շարժում» ոսկե հուշամեդալով

• Հունաստանի «Պեֆկոխորի» քաղաքում կայացած միջազգային ֆոլկլորային փառատոնում Աթաբեկյանի «Խարիտոնի» վոկալ-գործիքային անսամբլը հանդես է եկել երկու ազգային մշակույթով՝ հայկական-հունական և արժանացել «Ոսկե գավաթի» և պատվոգրի, 2016,
• «ՆԱԻՐԻ» համահայկական փառատոնի «Գլխավոր մրցանակ»՝ «ԳՐԱՆ-ՊՐԻ», 2017։

Պատկերասրահ

• Անժելա Աթաբեկյանի 80-ամյակին նվիրված միջոցառում Երևանի Կոմիտասի անվան պետական կոնսերվատորիայում
• 
• 
• 

Գրականություն

• Ով ով է. հայեր (կենսագրական հանրագիտարան։ Երկու հատորով), ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ, Երևան
• Հայկական հանրագիտարան հրատ., Հ.1, Աբալյան-Ղուշչյան, 2005։

Վիքիդարանն ունի նյութեր, որոնք վերաբերում են «Անժելա Աթաբեկյան» հոդվածին։

Վիքիպահեստն ունի նյութեր, որոնք վերաբերում են «Անժելա Աթաբեկյան» հոդվածին։