Անդրեա Նիքս Ֆայն
Անդրեա Նիքս Ֆայն (անգլ.՝ Andrea Nix Fine, 20-րդ դար, ԱՄՆ), ամերիկացի ռեժիսոր, որի Inocente ֆիլմը 2013 թվականին արժանացել է Օսկար մրցանակի՝ «Լավագույն վավերագրական ֆիլմ» անվանակարգում[1]։ Նա ստեղծում է իր ֆիլմերն իր ամուսնու՝ Սին Ֆայնի հետ։ Ֆայներ ամուսինները 2007 թվականին Պատերազմ/Պար (անգլ.՝ War/Dance) ֆիլմով առաջադրվել են նաև 2007 թվականի Օսկարի մրցանակաբաշխությանը։ Ֆիլմը պատմում է երաժշտության ուժի մասին, որը փոխում է Ուգանդայի պատերազմական գոտում ապրող երեխաների կյանքը։ Նրանց HBO «Կյանքն ըստ Սեմի» վավերագրական ֆիլմը պարգևատրվել է Peabody և Էմմի մրցանակներով[2]։ Նիքսը 1991 թվականին ավարտել է Քոլբի քոլեջը։
| Անդրեա Նիքս Ֆայն | |
|---|---|
| Ծննդյան թիվ՝ | 20-րդ դար |
| Ծննդավայր՝ | ԱՄՆ |
| Քաղաքացիություն՝ |  ԱՄՆ |
| Մասնագիտություն՝ | կինոպրոդյուսեր և կինոռեժիսոր |
| Պարգևներ՝ | |
| IMDb։ | ID 2107225 |
Կյանք և կարիերա խմբագրել
Նիքսը պարզել է ֆիլմագրության հանդեպ իր հետաքրքրությունն այն ժամանակ, երբ քոլեջի պրոֆեսորն առաջարկել է գրավոր աշխատանքի փոխարեն վավերագրական ֆիլմ նկարահանել։ Նկարահանման առաջին օրվանից հետո նա գիտակցել է, որ ֆիլմագրությունն այն է, ինչով ինքը ցանկանում է զբաղվել։ Քոլեջից հետո ունեցել է տարբեր աշխատանքներ, որոնց շնորհիվ կարող էր ավելի շատ բան իմանալ այս ոլորտի մասին։ Վաշինգտոնում, National Geographic-ում, նա հանդիպել է իր ապագա ամուսնուն` Սին Ֆայնին։ Նիքսը շրջել է աշխարհում` ֆիլմեր նկարահանելու համար, մասնավորապես եղել է Նեապոլում, Կոստա Ռիկայում, Հյուսիսային բևեռային շրջանում։ Ըստ նրա, ինքն զբաղվում է մի բանով, որ սիրում է և որ «վավերագրական ֆիլմը հազվադեպ դուռ է բացում դեպի ուրիշների կյանքը»[3]։
Ֆիլմագրություն խմբագրել
Ծանոթագրություններ խմբագրել
- ↑ «Inocente wins Academy Award for Best Documentary (Short Subject)». Արխիվացված է օրիգինալից 2013 թ․ ապրիլի 11-ին. Վերցված է 2015 թ․ փետրվարի 28-ին.
- ↑ «HBO: Documentaries – Life According to Sam – Home». hbo.com. Վերցված է 2014 թ․ հունվարի 14-ին.
- ↑ White, Tom. «Meet the DocuWeek Filmmakers: Sean Fine and Andrea Nix Fine: 'War/Dance'». Documentary.org. Վերցված է 2018 թ․ օգոստոսի 14-ին.