Անդրանիկ Խաչատրյան
- Վիքիպեդիայում կան հոդվածներ Խաչատրյան ազգանունով այլ մարդկանց մասին։
Անվան այլ կիրառումների համար տե՛ս՝ Անդրանիկ Խաչատրյան (այլ կիրառումներ)
Անդրանիկ Ռոբերտի Խաչատրյան (ապրիլի 29, 1979, Ստեփանակերտ, Ադրբեջանական ԽՍՀ, ԽՍՀՄ), ԼՂՀ Էկոնոմիկայի նախարար։
| Անդրանիկ Խաչատրյան | |
| |
| Կրթություն՝ | Արցախի պետական համալսարան |
|---|---|
| Ծննդյան օր | ապրիլի 29, 1979 (44 տարեկան) |
| Ծննդավայր | Ստեփանակերտ, Ադրբեջանական ԽՍՀ, ԽՍՀՄ |
| Քաղաքացիություն |  ԽՍՀՄ և  Արցախ
|
Կենսագրություն խմբագրել
Ծնվել է 1979 թվականի ապրիլի 29-ին Ստեփանակերտում։
- 1986-1996 թթ. - սովորել և ավարտել է Ստեփանակերտի Գրիբոյեդովի անվան թիվ 3 միջնակարգ դպրոցը։
- 1996-2000 թթ. - ընդունվել և ավարտել է ԱրՊՀ-ի ճարտարատնտեսագիտական ֆակուլտետը՝ "Ընդհանուր տնտեսագիտություն" մասնագիտությամբ և ստացել բակալավրի աստիճան, տնտեսագետի որակավորում։
- 2000-2001 թթ. - ծառայել է ԼՂՀ ՊԲ շարքերում։
- 2001-2003 թթ. - ընդունվել և ավարտել է ԱրՊՀ-ի ճարտարատնտեսագիտական ֆակուլտետի տնտեսագիտության ամբիոնի մագիստրատուրայի բաժինը։
- 2003 թ. - ընդունվել է ԱրՊՀ-ի ասպիրանտուրայի բաժինը։
- 2003 թ. մարտի 19-ին ընդունվել է աշխատանքի ԼՂՀ արտադրական ենթակառուցվածքների զարգացման և քաղաքաշինության նախարարությունում որպես տնտեսական զարգացման ծրագրերի բաժնի առաջին կարգի մասնագետ։
- 2004 թ.-ի սեպտեմբերի 30 - նշանակվել է նույն բաժնում որպես գլխավոր մասնագետ։
- 2005 թ.-ի հունվարի 1 - նշանակվել է ԼՂՀ տարածքային կառավարման և ենթակառուցվածքների զարգացման նախարարության աշխատակազմի տնտեսական զարգացման և օրեսնդրության բաժնի գլխավոր մասնագետի պաշտոնում։
- 2006 թ.-ի մայիսի 23 - անցել է աշխատանքի ԼՂՀ կառավարությանն առընթեր ազգային անվտանգության ծառայությունում որպես ազգային անվտանգության ծառայության ֆինանսական բաժնի պետ։
- 2007 թ.-ի հոկտեմբերի 22 - ԼՂՀ վարչապետի որոշմամբ նշանակվել է "Պետական գնումների գործակալություն" պետական ոչ առևտրային կազմակերպության պետ։
- 2009 թ.-ի հունվարի 17 - ԼՂՀ նախագահի հրամանագրով նշանակվել է անշարժ գույքի կադաստրի պետական կոմիտեի նախագահ։
Ստեփանակերտի զարգացման հիմնադրամի հոգաբարձուների խորհրդի անդամ է։ Ամուսնացած է, ունի երկու դուստր։