Այգեթաղ մեքենա
Այգեթաղ մեքենա, խաղողի վազերը թաղող մեքենա։ Կան թևավոր և էլևատորային այգեթաղ մեքենաներ։ Թևավորն ունի գութանի աջ և ձախ շրջող թևեր, որոնք միջշարքերից հողը բարձրացնում և շրջում են ծերկապված վազերի վրա։ էլևատորային այգեթաղ մեքենան վազերը հողով ծածկում է էլևատորների միջոցով։ Եթե մեքենան վազերը շարքերի ուղղությամբ պառկեցնելու մեխանիկական հատուկ հարմարանք չունի, ապա վազերը նախապես ծերկապում են։ Այգեթաղ մեքենաներն աշխատում են այգեգործական տրակտորներով, 2,0—2,5 մետր միջշարային տարածություն ունեցող այգիներում։
![](http://upload.wikimedia.org/wikipedia/commons/thumb/8/8f/Dreer%27s_wholesale_price_list_autumn_edition_September_to_December_1900_%2815822424284%29.jpg/220px-Dreer%27s_wholesale_price_list_autumn_edition_September_to_December_1900_%2815822424284%29.jpg)
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 1, էջ 341)։ ![]() |